DIRECTORATE OF INFORMATION & PUBLIC RELATIONS, Government of Mizoram, India

4436/2025-2026

Dated Aizawl, 12^th February 2026: Vawiin khan Cooperation Department changtu Minister Pu P.C. Vanlalruata’n Mizoram Urban Co-operative Development Bank Ltd. Branch thar, Aizawl Bawngkawn West ami a hawng. Hawnna inkhawm hi Hotel Daleno, Bawngkawn West, Aizawl-ah buatsaih niin Pu R. Liantluanga, MUCO Chairman-in a kaihruai a, Bawngkawn khawtlang hruaitute, MUCO Bank-a thawktu hrang hrangte leh Board of Directors-te he hunah hian an tel a ni.

Co-operation Minister chuan MUCO Bank Branch hawn thar a ni ta chu mellung pawimawh tak a nih thu sawiin thawktute inpeknaah lawmthu a sawi a. MUCO Bank chu Co-operative Sector hnuaia mi, Bank quality tha leh rintlak, RBI-in tehfung (criteria) mumal tak a duante hmanga enkawl a nih thu sawiin, mipuite Bank a nih thu a sawi a. Khawpuia cheng, mi rinawm leh taimate tan chuan ‘belte phai thei lo ang a ni’ a ti a. Loan chi hrang hrang lak theihna a nih thu sawiin khawpui hmun dangah pawh Branch thar hawn zel tum a nih thu a sawi a, mipuite’n hlawk zawk leh tangkai zawka an hman theih nan duhsakna a hlan nghal bawk.

Minister chuan tun hnaiah Agriculture Department ten an hna thawh that avangin Central atangin lawmman Incentive 60Crore an hmuh thu pawh tarlangin, chungte chu ram hmasawn nan leh kut hnathawktute tan, tangkai lehzuala hman a nih theih nan, Bank hnathawktute chu thawh ho puiah a sawm nghal bawk a ni.

Mizoram Urban Cooperative Development Bank Ltd. chanchin tlangpui:

Mizoram Urban Cooperative Development Bank Ltd hi November ni 11, 1988-ah din niin, Zarkawt, Aizawl-ah Head Office an nei a. Bank dangte ang lovin Reserve Bank of India leh Registrar of Cooperative Societies te enkawl niin direct-a Reserve Bank-in a enkawi avang hian bank endik (inspection) hna pawh RBI lam hian an kalpui thin a ni.

Reserve Bank of India hian Urban bank hrang hrangte hi tehkhawng chi hrang hrang hmanga tehin, an dinhmun that leh that loh a tarlang thin a, Bank dinhmun tha zualte chu Financially Sound and Well Managed (FSWM) Bank tih niin, chung Bank tha zual zingah chuan MUCO Bank pawh hi a tel a ni.

India ramah Urban Bank hrang hrang 1400 chuang awm mekin, heng Bank-te hian hma an sawn theih nan RBI, Central Sawrkar leh Urban Bank hrang hrangte chuan ‘National Urban Cooperative Finance and Development Corporation (NUCFDC)’ an din a, he corporation-ah hian MUCO Bank pawh telvein Urban bank tana Digital payment leh Digital Loan technology an siamte pawh hman ve theih thuai beisei a ni.

Audit Report tharlam bera MUCO Bank dinhmun tlangpui: