Vawiin chawhnu khan 'Co-ordination Committee on Traffic Management' chu Transport Minister Pu P.C. Zoram Sangliana hovin a pisa-ah an thukhawm a. He meeting ah hian Secretary Transport Department; SP Aizawl SP Traffic; Transport Department; Trade&Commerce Department, Land Revenue & Resettlement Department; UD&PA Department; PWD, Aizawl DC aiawh leh I & PR Department aiawh officer ten an tel a ni.
Meeting chuan Zoram Taxi Drivers' Association in Taxi in tlan chhawk avanga taxi khalh a eizawngtuten harsatna an tawh avanga ngenna an siam - kar khat a vawi khat chiah taxi chawlh(din) tir rawtna chu, uluk leh zau zawka an ngaituah hnu in July ni 1 atangin thla thum chhunga enchhin an rem ti a. Zemabawk a City Bus Turning Point chu a ram neitu in hmanzui a remtih tak loh avangin meeting chuan City Bus Turning Point atan hmun hma dang remchang dap turin Transport, Land Revenue, DC Aizawl te leh SP Traffic chu hma la turin mawhphurna an pe a. Hemi bakah meeting chuan No Parking Zone zawm tha lo leh zan lama kawng dung a motor dahte vai turin, tun aia chak zawk a hmalak nise tih an rel bawk a ni.
Vawiin Meeting chuan March 18, 2009 atanga vawi 7 Traffic Management chungchanga Minister hova an meeting thu rel tawh te a bawhzui dan an ennawn bawk a ni.
Vawiin Meeting chuan March 18, 2009 atanga vawi 7 Traffic Management chungchanga Minister hova an meeting thu rel tawh te a bawhzui dan an ennawn bawk a ni.
