No.1448/2021-2022

Aizawl 17th July 2021:  Aizawl DC chuan College Veng hmun thenkhat Containment Zone/Area-a puan hlih a nih thu a chhuah a. Hemi chungchanga DC thuchhuah chu a hnuai a mi ang a ni e.    


The Disaster Management Act, 2005 Section 34(b)(c) behchhan leh Aizawl DC Office lehkha No.C.16011/298/2020-DC(A)/Lockdown Dt. 04/07/2021 leh Dt. 08/07/2021 (puan belhna) hmangin College Veng hmun thenkhat chu Containment Zone/Area-ah puan a lo ni tawh a, Aizawl DC Office lehkha     No.C.16011/298/2020-DC(A)/Lockdown Dt. 13/07/2021, Dt. 14/07/2021 leh Dt. 15/07/2021 hmangin sawrzim Order chhuah a lo ni tawh bawk.


Chief Medical Officer, Aizawl East in a zirchianna leh a tul anga hma a lak hnuin, College Veng Containment Zone/Area hmun thenkhat chu ni sarih chhung CoVID-19 positive case thar an awm tawh loh avangin a sawrzim rawtna a rawn thlen a. He rawtna ang hian College Veng hmun thenkhat Containment Zone/Area-a lo puan tawh chu 17.07.2021 (Inrinni) Zan dar 8:00 atangin hlih a ni.


Containment Area hlih tur huamchhung :

Khuangchera Section 1 :

Pu Vanlalsanga In, Pu Manghrina In, Pu Lalfamkima In, Pu K. Thangmawia In leh Pu K. Lalmuansanga In. 

(Chhungkaw 9 chenna)


Containment Area-in a la huam tur te :

Khuangchera Section 2 :

Pu Tlangthangvunga Colony leh Pu R.L. Dengliana In.

(Chhungkaw 5 chenna)


Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.a