No.3249/2020-2020

Vawiin chawhma khan Border Safety Monitoring Team, Kolasib District leh Sub-headquarters YMA, Kolasib ruahmanna in Phaisen leh a chhehvel ramri dep hmun nga (5) a duty tur College Veng leh New Builum, Kolasib atanga Reserve Volunteer Force mi 20-te chu Kolasib DC office tualzawl atangin Kolasib Bawrhsap Dr H Lalthlangliana’n a vailiam a, Pu Vanlalchhuanawma Chawngthu, SDO(S), Pu C Liankunga, President, Sub-Headquarters YMA, Kolasib te an tel a ni.

Dr H Lalthlangliana chuan ramri veng a chhuak Reserve Volunteer Force-te chu hripui leng mek lak a ram tan a an penchhuah chhan hre reng turin leh rinawm tak a an tih tur te hlenchhuak turin a chah a. Ruah tui tam lai a nih avangin an chetvelnaah fimkhur turin leh an hriselna enkawl uluk a, natna hrang hrang lak a inveng uluk turin a chah nghal bawk a ni. Kolasib DC chuan Reserve Volunteer Force a Kolasib thalai thahnem tak ramri veng tur a vailiam tur an la awm zel chu thlamuanthlak a tih thu sawiin an chungah lawmthu a sawi bawk a ni.

Anni hi vawiin atangin July ni 26, 2020 thleng Phaisen-a ramri kalkhan hmun nga ah an duty dawn a, an lo haw hun ah hian Medical Team ten Malaria an vei leh veiloh an lo endik leh vek dawn bawk a ni.