Commerce & Industries Department chuan vawiin khan Central Hall, Venghlui ah Aizawl South-I leh Aizawl West-II Assembly Constituency huamchhunga an hnuaia NLUP 3rd Phase beneficiary 382 te hnenah tanpuina an dawn tur final insatallment an sem a, he hun hi Aizawl South-I bialtu MLA, ZOHANDCO Chairman ni bawk Pu R. Vanlalvena chuan khuallian niin a hmanpui.
Khuallian Pu R. Vanlalvena chuan Aizawl South - I leh Aizawl West -II a Commerce & Industries department hnuaia NLUP tanpuia dawngtu te chu 3rd Phase final Installment dawng hmasa ber an ni chu a lawmpui thu a sawi a, miharsa te chawikanna kawngah a dawngtu mipuite leh sawrkar ah tih tur tam tak a awm tih sawiin inhrethiam tawn taka kal pui a nih avanga hetiang dinhmun hi an thleng thei tih a sawi bawk. Tanpuina dawngtute zingah inthlahdah vang nilo, tum lawk leh ruahman loh thil chhungkaw lama harsatna thleng avanga hma la zui thei lo an awm thin chu pawi a tih thu sawiin, sawrkar pawhin heng mite hi a hrethiam a ni a ti a, NLUP tanpuina dawngtute chu inthlahdah leh zelthel lova, tu leh fate nakin hun thlira ruahmanna tha zawk nena hma la a, eizawnna nghet leh rintlak din turin a fuih bawk a ni.
Vawiina Pu. R. Vanlalvena kut atanga NLUP tanpuina sem chhuah zat hi a hnuaia table ah hian tarlan a ni.
AIZAWL SOUTH-I ASSEMBLY CONSTITUENCY
|
Sl. No. |
Veng/Khua |
Beneficiary awm zat |
Tanpuina sum pek zat |
|
1 |
Republic Vengthlang |
17 |
5,30,000 |
|
2 |
Upper Republic |
25 |
7,56,000 |
|
3 |
Venghlui |
57 |
17,46,000 |
|
4 |
Republic |
31 |
9,46,000 |
|
5 |
College Veng |
26 |
7,80,000 |
|
6 |
Bethlehem Vengthlang |
50 |
14,91,000 |
|
7 |
Bethlehem |
29 |
8,73,000 |
|
|
TOTAL |
235 |
71,22,000 |
AIZAWL WEST-II ASSEMBLY CONSTITUENCY
|
Sl. No. |
Veng/Khua |
Beneficiary awm zat |
Tanpuina sum pek zat |
|
1 |
Tuikual South |
43 |
12,99,500 |
|
2 |
Tuikual North |
30 |
9,21,000 |
|
3 |
Kanan |
19 |
5,73,000 |
|
4 |
Vaivakawn |
12 |
3,68,000 |
|
5 |
Dawrpui Vengthar |
16 |
5,33,000 |
|
6 |
Dinthar |
27 |
8,31,000 |
|
|
TOTAL |
147 |
45,25,500 |
Vawiin a tanpuina semchhuah te hi Trade chi hrang hrang 9 atanga beneficiary thlanchhuahte an ni a, 3rd and final installment pekchhuah annih dan hetiang hi a ni :
1. Petty Trade-I thlangtu mi 345 hnenah Rs 30,000/- theuhin sem a ni. (Aizawl West-II a beneficiary 127 hnenah 2nd Installment Rs. 50,000/- pek tel an ni)
2. Petty Trade-IV thlangtu mi 5 hnenah Rs 35,000/- theuhin sem a ni.
3. Steel Fabrication thlangtu mi 8 hnenah Rs 33,000/- theuhin sem a ni.
4. Handloom thlangtu mi 11 hnenah Rs 33,000/- theuhin sem a ni.
5. Chow-making thlangtu mi 2 hnenah Rs 31,000/- theuhin sem a ni.
6. Rice Hulling thlangtu mi 1 hnenah Rs 15,000/- sem a ni.
7. Blacksmithy thlangtu mi 3 hnenah Rs 32,000/- theuhin sem a ni.
8. Tinsmithy thlangtu mi 1 hnenah Rs 32,500/- theuhin sem a ni.
9. Broom-I thlangtu mi 6 hnenah Rs 40,000/- theuhin sem a ni.
Commerce & Industries Department hnuaiah hian NLUP Trade chi hrang hrang 25 hmangin hmalak a ni a, tun dinhmunah 1st Phase leh 2nd Phase hi tanpuina pek zawh vek tawh a ni a, 3rd Phase hi final installment sem mek niin 4th Phase erawh 1st installment chiah sem a la ni.
Vawiin NLUP sem inkhawm hi Pi Lalrodingi, General Manager, DIC, Aizawl in a kaihruai a ni.
