Vawiin khan Commerce and Industries Minister Pu. H. Rohluna chuan Commerce & Industries department, Mizoram in Chapchar Kut puala an buatsaih Food Court, Handloom and Handicraft Exhibition chu A.R. Ground, Basketball court-ah a hawng a. He hunah hian Pu. Zothan Khuma, Commissioner & Secretary, Commerce & Industries, Director Pu. J. Hmingthanmawia leh Department hnathawkte  bakah chhimtu mipui thahnemtak in an telpui bawk.

Chapchar Kut 2018 chhunga mipuite dawr theih turin Food court, Handloom & Handicraft Exhibition hi buatsaih a ni a, a hmunah hian stall 35 awmin, handloom lam pho chhuahna bik 14, handicraft 3 leh Food court 18 a awm a. Food court nghaktu thenkhatte chu National Mission on Food Processing hnuaia hmalakpui tawhte an ni a, NEDP hnuaia beneficiaries te pawh in an thil siam chhuah an rawn pho chhuak ve bawk. Exhibition hi March ni 2 thleng awh tur niin, mipuite lei theih turin Mizo kutchhuak puan, hnam thuam leh eitur chi hrang hrangte pho chhuah a ni.