2246/2024-2025

Aizawl 26th September, 2024 : Naktuk September Ni 27 leh 28, 2024 chhunga Commonwealth Parliamentary Association (CPA), India Region, Zone - III Annual Conference vawi 21-na neih tur hmahruai atan zanin dar 7 khan Mizoram Legislative Committee Room-ah CPA India Region Zone III, Executive Committee Meeting Pu Sharingain Longkumer, Chairman CPA India Region Zone III kaihhruaiin neih a ni.

Pu Lalbiakzama, Hon'ble Speaker, Mizoram Legislative Assembly chuan State hrang hrang atanga CPA hmang tura Parliamentarians (MPs/MLAs) leh Officials rawn kalkhawmte lawmna thu sawiin a bik takin zanin-a CPA Executive Committee members rawn tel zawng zawngte chungah lawmthu a sawi a. Mizoram-a an cham chhungin nuam deuha an hun hmang theuh turin duhsakna a hlan a ni.

Meeting-ah hian NERIPSTR (North East Regional Institute of Parliamentary Studies And Research) hnuaia an hmalak tawhna te leh hmalak zel dan tur sawiho niin a bik takin university te nen a in-affiliate a, democracy rorelna leh parliamentary kalphung bakah India danpui constitution leh legislative drafting zirna lamah insawrbing tura hmalak ni se tih a ni. D. Pegu Director, NERIPSTR, Assam Legislative Assembly Secretary ni bawk chuan NERIPSTR building hmunhma leh society sum dinhmun report committee hma-ah a pe a. Zanin CPA India Region Zone III Executive Committee thutkhawmah hian an Constitution 3rd Edition 2024 pharh niin a tul anga siam danglam ngaite siamin member te'n an pawm tlang a ni.

Zanin thutkhawmah vek hian executive committee neih leh hun tur ngaihtuah niin nakum April thlaah Sikkim State-ah neih tura pawm a ni a. A hun leh ni chu a thlengtu Sikkim State remchanna angin nakum April thla chhungin ruat ni se tih a ni.

Andrew Simons, Commissioner & Secretary, Meghalaya Legislative Assembly leh Smt. Khruohituonuo Rio, Secretary, CPA India Region Zone - III te hnen atangin report ngaihthlak a ni a. An report tarlante sawihona neih zui a ni bawk.

Executive Committee Meeting-ah hian Shri. Biswajit Daimary, Hon'ble Speaker, Assam Legislative Assembly, Shri. Biswas Bandhu Sen, Hon'ble Speaker, Tripura Legislative Assembly, Shri. MN Sherpa, Hon'ble Speaker, Sikkim Legislative Assembly, Shri. Tesam Pongte, Hon'ble Speaker, Arunachal Pradesh Legislative Assembly, Shri. Lalfamkima, Hon'ble Dy. Speaker, Mizoram Legislative Assembly, Shri. S. Toiho Yeptho, Hon'ble Dy. Speaker, Nagaland Legislative Assembly, Shri. Timothy D. Shira, Hon'ble Dy. Speaker, Meghalaya Legislative Assembly, Smt. Raj Kumari Thapa, Hon'ble Dy. Speaker, Sikkim Legislative Assembly bakah Assembly Commissioner leh Secretary te an tel a ni.