No.5848/2020-2021

Aizawl, the 7th October 2020 : Covid-19 hrileng chuan Mizoram pawh tuam zelin, hri kai pawh mi 2000 chuang lai mai an lo awm ve ta reng mai a. Amaherawhchu vanneihthlak takin Mizoram chhungah COVID-19 vanga nunna chan an la awm lo va. COVID-19 hri kaite enkawlna turin Mizoram Sawrkar chuan 'Covid Care Centre' hmun hrang hrangah a din tawh bakah Community Covid Care Centre (4C) din belh mek a ni a. Heng CCCC/4C-te tana hman tur Community Covid Care Centre Inkaihhruaina (Standard Operating Procedure for Community Covid Care Centre) chu vawiin khan Health & Family Welfare Department chuan an tichhuak a, a hnuaia tarlan ang niin he hriattirna hi chhuah a nih atanga thu leh awm hma chu hman tur a ni.

COMMUNITY COVID CARE CENTRE KAIHHRUAINA (SOP for Community Covid Care Centre)

COVID CARE CENTRE (CCC)
COVID CARE CENTRE chu damdawiin emaw health care facility nilo (eg. School, hostel, Community hall etc), Covid-19 damlo enkawlna tura a tul anga siam rem hi a ni. A hmun hi Sawrkar emaw mimal emaw mipui ta emaw a ni thei. CCC-ah chuan COVID-19 rinhlelh emaw vei finfiah tawh, natna lang chhuaklo (Asymptomatic) emaw na em em lo (Very mild/mild)-te dah tur an ni.

A chunga tarlan ngina, COVID-19 vei hmuhchhuah belh zel a ni a, a vei tawhte hi a tarn zawk chu natna lang chhuak lo leh na em em lo an ni tlangpui thin. He mi avang hian CCC-a damlo dah tur an pung zel a, CCC hi siam belh zel a lo ngai ta a ni.

COMMUNITY COVID CARE CENTRE (CCCC/4C)
CCCC/4C chu sawrkar phalna hnuaia sawrkar puihna tel mang loa Khawtlangin COVID-19 veite enkawlna hmun a din leh a kal pui hi a ni a. Heng a hnuaia tul leh mamawh tarlan ang hi khawtlang tangrual, NGO, Kohhran, ete.ten an siam/ruahman theih chuan CCCC/4C-an din thei ang.

COMMUNITY COVID CARE CENTRE HMUN HMA LEH A KAL PUI DAN TUR CHUNGCHANG:

1. Mimal, a hran theuha awm theihna tur pindan (Single room), ek/bual in a hran emaw in tawm theih emaw a awm tur a ni.

2. Single room hi a awm thei lo a nih a room khat-a mi 2 aia tarn an awm dawn a nih chuan, khum inkar hlat zawng hi 1-2 metre tal a ni tur a ni.

3. 4C atan a hman tur chu room thengthaw nuam tak, tha taka thli a luh leh chhuah theihna hmun a ni tur a ni.

4. Midangin awlsam tak leh tul loa an tlawh pawh zung zung theih lohna turin hungna (Gate/fencing) tha tak a awm tur a ni.

5. Tui, Electric Power, bawlhhlawh sawngbawl hna leh tul dangte hi a dintu te emaw a awmna venga Local Level Task Force / Village Level Task Force-in an ngaihtuah ang.

6. Chaw leh mamawh dangte chu 4C-a awm, mahni in emaw a dintu in emaw an turn tur a ni a, hengte hi 4C enkawltute hriatpuina in damlo chhungten an pe thei ang.

7. Khum 50 emaw a aia tarn emaw nei thei chu H & FW Deptt. in Medical Team a ngaihtuah sak ang a, khum 50 nei tiing lo 4C erawh chuan Medical Team leh Security an intum tur a ni. Heng duty tur te awmna hmun(duty room or post) hi a hranpa a neih tur a ni a, PPE inthlakna tur (donning/doffing room) a hranpa a awm tur a ni bawk.

COMMUNITY COVID CARE CENTRE hi din a nih hmain CCC State Management Team / Bialtu Chief Medical Officer emaw an aiawh a ruat emaw ten LLTF/VLTF te puihna in an endik tur a ni.

COMMUNITY COVID CARE CENTRE a damlo enkawl theihte:
1. COVID-19 vei, natna lang chhuaklo (Asymptomatic)

2. COVID-19 vei, na em em lo (Very mild/mild)

3. Damlo chu COVID-19 a vei tih hmuhchhuah a nih hnuah, Doctor-in Very mild/pre-symptomatic/asymptomatic case a ni tih a fianfiah tur a ni.

4. Damlo taksa chak lo bik - HIV, Cancer enkawl lai, kal/thin leh taksa peng dangte thlak tawh (transplant) te chu 4C-ah in enkawl phal an ni lo. Heng damlo te hi chu Dedicated Covid Health Centre (DCHC) leh Dedicated Covid Hospital (DCH) ah enkawl tur an ni.

5. Kum 60 leh a chunglamte leh natna benvawn - BP sang, Zunthlum, Lung natna, Chuap/Thin leh Kal natna benvawn nei, Thluak lam natna leh a dang veite chu Doctor in uluk taka a en hnu-a 4C-a enkawl theih tura hriat a nih hnuah chauh enkawl phal sak an ni ang.

6. Naupai te pawh 4C-a enkawl phal an ni lo.

COMMUNITY COVID CARE CENTRE thawktute:
1. Medical Team 1 zel atan hengte hi an awm tur a ni.
1) Doctor – 1 no. (MBBS/BDS/Ayush Doctor).
2) Para-medical - lno. (Nurse/Health Worker).
3) Helper - Volunteer - 2nos.

2. Security Team member te chu vengchhung mi ngei LLTF/VLTF ten an ruat ang.

3. LLTF/VLTF member atangin Community CCC chungchanga mawhphur tur leh biak pawh theih tur mi 1 ruat tur a ni.

4. 4C-a Thawktute zawng zawng hi Bialtu Chief Medical Officer leh chu 4C atana Medical Officer in-charge a ruat ten uluk takin training an neih pui ang.

Medical leh Security Team hi team 2 (two) ve ve tal neih theih ni se. Heng hmanrua digital Thermometer leh Pulse Oximeter te hi 4C dintu ten intum tur a ni ang.

DAMLOTE ZAWM TUR
1. Damlo chuan engtik lai pawhin triple layer mask a hmang reng tur a ni. Mask hi darkar 8 hnuah emaw a huh chuan a thara thlak nghal tur a ni.

2. Mask hi 1% sodium hypochloride-ah chiah thianghlim hnuah chauh paih tur a ni.

3. Damlo chu pindan ruat bikah chauh a awm tur a ni. 4C-a awm ve, midangte bulah awm reng loh tur a ni.

4. Damlo chu hahdam taka awmin tui tarn tawk a in thin tur a ni.

5. A khuh leh hahchhiau reng rengin a ban thlep (kiu chhunglam) in emaw tissue paper in emaw, rawmawlin emaw a ka leh hnar a hup thin tur a ni.

6. Sahbawn leh tui hmangin fai takin 40 seconds tal kut a sil fo tur a ni a, heihi a remchan loh chuan alcohol based sanitizer hmangin a kut a ti fai fo tur a ni.

7. Bungrua/hmanrua/bungbel reng reng midang nen an in hman tavrai tur a ni lo.

8. Kuta khawih zin bik (dawhkan chung, kawngka hawnna leh a dangte)-te chu 1% sodium hypochlorite solution hmangin tih thianghlim fo tur a ni.

9. 4C a awm turte chuan mahni mutbu in turn tur a ni.

10. 4C enkawltute thurawn tha takin an zawm tur ani.

11. Covid-19 vei chuan Arogya Setu App hi an mobile phone-ah an hmang(install) ngei tur a ni a, engtik lai pawhin a nung reng tur a ni. Arogya Setu App hi www.mvgov.in/aarogya-setu- app/ ah emaw Play store atanga download theih a ni.

12.Pulse oximeter leh Clinical Thermometer (Khawsik enna) hmangin an hriselna an in enchik (monitor) reng tur a ni.

13.Dam lo chuan a hriselna- khawsik leh a dangte uluk taka ngaihvenin, harsatna langchhuak thar a nei emaw, natna a zualin emaw rang takin thawktute a hrilh vat tur a ni.

14. Mahni mutbu leh thawmhnaw te room chhungah thin loh tur.

15. Covid-19 vei te chuan a hnuaia natna lanchhuah dan tarlan te anga an awm a nih chuan thawktutte hriattir vat tur a ni
I. Thawk harsa/thawhah
II. Oxygen saturation hniam (Sp02<95%)
III. Awm na (Chest pain) reh thei lo
IV. Rilru lam buaina emaw harh chiangkuang lo
V. Tawng fiahlo thut/ kaih
VI. Hmai emaw ban leh ke lam chaklo/ mu chur chur
VII. Hmai emaw hmui duk

CCCC ENKAWLTUTE ZAWM TUR
1. Mask:
1. Damlo enkawltu chuan damlo pindana a kal apiangin triple layer mask a hmang ngei ngei tur a ni.

2. Mask hmalam/pawn lam chu khawih miah loh tur a ni.

3. Mask chu a huh emaw, bawlhhlawh kai a awm emaw chuan a thara thlak vat tur a ni.

4. Mask chu vawi khat hman zawhah paihin kut fai taka sil nghal tur a ni.

5. A ma hmai, ka leh hnar te a khawih tur a ni lo.

2. Kut tih fai uluk
1. Damlo bula kal zawh a piangin kut fai taka sil tur a ni.

2. Ei tur siam hma leh siam zawhah te, ei dawnah te, inthiarna hman zawh leh a balh a piangin kut hi sil fai tur a ni.

3. Sahbawn leh tui hmangin 40 seconds tal kut sil tur a ni. Remchan lohna hmunah chuan alcohol-based sanitizer hman tur a ni.

4. Sahbawn leh tui hmana kut sil zawh hian kut hruk hul nan disposable paper towel hman theih hi duhthusam a ni. A remchan loh chuan, towel hman bik neih a, hunbi nei a suk fai tur a ni.

5. Gloves hman dawn leh hman hnuah kut silfai tur a ni.

3. Damlo bula awm dan tur
1. Damlo taksa atanga lo chhuak tuiril lam chi reng reng, a bik takin ka leh hnar atanga lo chhuak te khawih loh hram tur a ni. Damlo buaipui dawn reng rengin disposable glove hman ngei ngei tur a ni. -

2. Bungraw rManghlimlo (natna kaichhawn theihna) lam chi reng reng lakah fimkhur tur a ni(e.g. bungbel, in tur lam chi, cigarettes, towel leh mutbu te).

3. Damlo chuan a pindanah chaw a ei tur a ni.

4. Chawei thleng leh bungbel dang damlo in a hman chu sahbawn leh tui hmangin, gloves bun chungin silfai tur a ni. Silfai an nih hnuah hman nawn theih an ni. Gloves phelh hnuah fai taka kut sil leh tur a ni.

5. Damlo pindan, mutbu leh kawrte tihfai laiin triple layer mask leh gloves hman ngei ngei tur a ni.

6. Gloves bun dawn leh hman zawhah kut silfai ngei ngei tur.

BAWLHHLAWH SAWNGBAWL DAN
1. Damlo tinin bawlhlawh bawm 1 theuh an nei tur a ni.

2. Bawlhhlawh bawm hi garbage bag-a thuah tur a ni.

3. Bawlhhlawh chu nitin emaw, bawlhhlawh bawm hmun 3 a thena hmun 2-a a khah hnuah paih tur a ni.

4. Damlo tinte bawlhhlawh bawm hi nitin 1% sodium hypochlorite a hruk fai tur a ni.

5. 4C hung chhungah bawlhhlawh dahkhawmna tur bawm Man zawk daha garbage bag-a thuah tur a ni a, hei hi ‘COVID WASTE’ tih ziaka tar tur a ni.

6. He bawlhhlawm bawm lian hi nitin paih a nih hma-in 1% sodium hypochlorite in darkar khat (1) tal chiah a tih thianghlim tur a ni.

7. Bawlhhlawh sawngbawl turte hian PPE-Mask leh Glove an hmang ngei ngei tur a ni.

8. Bawlhhlawh sawngbawl zawhah thawktute hian sahbawn leh tui hmangin kut fai taka sil leh tur a ni.

9. 4C room chhung hi hmunphiaha phiah fai tur a ni lo. Pawnchhe huh emaw chhuat nawhna (floor mop) a hruk fai mai tur a ni. A theih chuan floor wash disinfectant hman tel theih nise.

10.Bawlhhlawh (Masks,gloves, chaw nawi leh adangte) zawng zawng chu Central Pollution Control Board in kaihhruaina a siam anga paih tur a ni. (www.cpcbenvis.nic.in/pdf/BMW-GUIDELINES-COVID l.pdf)

ENGTIKAH NGE DISCHARGE TUR
CCCC/4C-a damlo admit-te chu sawrkarin Covid Care Centre (CCC) Discharge Protocol a siam anga discharge thin a ni ang.