547/2023-2024
Ministry of Environment, Forests & Climate Change, Government of India chuan Office Memorandum F.No.HSM-12/52/2023-HSM ni 24.03.2023 khân thu chhuah siamin plastic/ polythene bag tawih thei hman leh zawrh chungchânga mipuite hriat leh zawm ngei tur a tihte chu a hnuai ami hi a ni:
1) Plastic/ Polythene ip tawih thei (Compostable bags): Plastic ip tawih ral thei chi hi boruak pângngaiah a tawih ral mai theih loh avângin industry-ah mûmal leh uluk taka sâwngbâwl a ngai a, chuvângin hetiang plastic ip tawih thei siamchhuaktu, zuar/hralhtu leh la lûttute chuan Plastic Waste Management Rules-in a phût angin Centralized Online Extended Producer Responsibility Portal-ah inziah luh vek tur a nih bâkah Central Pollution Control Board (CPCB) atanga phalna number (Certification number) an tilang vek tur a ni.
2) Plastic tawih ral thei chi: Plastic tawih ral thei chi (Biodegradable plastics) hi boruak pângngaia tawih ral leh boruak tibawlhhlawh lo leh keh nâwi awm loa tawih ral tur a nih avângin heti ang plastic siamchhuaktute chuan a tawih ral thei ngei a ni tih pawmpuina Central Pollution Control Board atangin an nei ngei ngei tur a ni.
Tûn dinhmunah India ramah hetiang ang plastic tawih ral thei chi hi pawm a la awm loh avângin CPCB pawmpuina tel loa ‘plastic tawih thei’ ti-a zawrh hi Plastic Waste Management Rules kalh a ni a, dân hmanga hrem theih a ni.
3) Plastic chi dang tawih thei ni-a sawi ‘Bio-compostable’, Oxo-degradable’, Oxo-biodegradable’ leh a anpui chi rêng rêng hi Plastic Waste Management Rules-in a hriatpui loh bâkah CPCB-in a la pawmpui lo bawk a ni.
Chuvângin CPCB pawmpuina tel lo plastic ip tawih thei bâkah plastic tawih thei ni-a sawi hêng ‘Bio-compostable’, Oxo-degradable’, Oxo-biodegradable’ leh a anpui chi rêng rêng siam chhuah, zawrh, hman leh lâkluh khap tlat a ni.
