Staff Selection Commission (SSC) kaltangin ITBP, BSF,CRPF,CISF leh SSB ah te Constable (General Duty) hna leh Assam Rifles bikah Rifleman General Duty hna te a dil thei a. Hmeichhe thawhtheihna bik, CPO thenkhat ah te heng hna hi hmeichhe tan dil theih a ni bawk. Diltu te chu zirna lamah Pawl-X pass an nih a ngai a. Employment News, December ni 3-9 inkara chhuaka, kimchang takin heng hna dil dan chungchang leh a dilna form te hi tarlan a nih bakah Commission website ssc.nic.in ah pawh tarlan a ni bawk. Hna dilna form hi pentui dum a ziah tur a ni a. Hna diltu te hian dilna chu January ni 4, 2012 aia tlai lovah thehluh tur a ni. December ni 3, 2011 leh January ni 2, 2012 inkarah, hna dilna hi www.ssconline.nic.in leh sscregistration.sifytest.com ah te online pawhin fill up a, thehluh thei a ni bawk ang.

Hrechiang duh leh zawhbelna neite chuan Assam Rifles Zodin Square a zawhfiah theih a ni.