2585/2024-2025

Dated Hnahthial, the 17th October, 2024: Vawiin khan Hnahthial DC Meeting Hall-ah consumer te dikna chanvo (Consumer Rights) chungchang rel hona chu Bawrhsap, Pi Rita Lalnunmawii Pachuau kaihhruaina hnuaiah neih a ni.

Thutkhawmnaah hian agenda chhawp chhuahte chu Bawrhsap kaihhruainain rel ho a ni a. Hnahthial District tan a District Consumer Disputes Redressal Commission hranpa din chungchang ngaihtuah niin Redressal Commission hi din turin thuneitu sang lamah thlen ni se tiin rel a ni a. Hnahthial District chhungah buk tling lo leh tehna dik lo hman a nih thin leh thin loh sawi hona neih niin godown atangin buk tling taka pek chhuah thin anih theih nan Hnahthial District Consumer Union member ten hma la se tih a ni a. Hei bakah hian retailer ten hlep ru then lova buk tling taka an pek chhuah theih nan Consumer Union branch tina member ten an bial chhunga retailer ho chu uluk taka vil thin turin thuthlukna siam a ni bawk. Hnahthial District chhunga LPG pek chhuah dan kalphung rel ho bawk niin point a sem a kal khawm chu ti tawh lo turin leh online booking system chauhva kalpui tawh tura rel thluk a ni. 

He hunah hian Lok Adalat awareness neih dan tur chungchang rel ho nghal bawk a ni.

Thutkhawmnaah hian Addl SP Pu, Beimosia Lapi; SDO (Sadar), Pi Esther Leihang; SDC, Pu R. Vanlalruata; DCSO, Pu T. Lalduhkima, North -II leh South -III VCP te; Hnahthial District Consumer Union OB te; MJA, MHIP leh MUP President te bakah Merchant Association aiawh te an tel a ni.