Vawiin chawhnu dar 1 khan Secretariat Conference Hall-ah Mizoram Law Commission Chairman Pu R. Lalrinawma hovin copyright leh venhim dan tur sawiho a ni.
Pu Rinawma chuan lehkhabu ziaktu, zai record siamtu, film siamtu leh mi dang dang ten an mahni kutchhuak hmanga a copy midangin an siam thin chungchang report an dawn thin avangin Law Minister Pu Lalsawta chuan hemi ven dan tur ngaihtuahna lo nei turin helam pang kaihhnawih mite nen sawiho na neih nise a tih avangin he meeting hi koh anih thu a sawi.
Pu Lalmalsawma, Home Commissioner tunhmaa Ministry of HRD, Govt. of India, New Delhi a awm lai a Registrar of Copyright for India ni thin te, Pu P. Chakraborty, Law Commissioner leh Pu Lalrokhuma Pachuau, DGP ten an hriat leh tawn tawh thin te an sawi.
Committee chuan Mizoram-ah Copyright inruk sakna a nasa hle tih an sawi tlang a, amaherawh chu Copyright Cell (mahni kutchhuak inziah luh tirna) tun hma a awm chu tih nun leh phawt a, Registration Cell leh Awareness (mipui hnena tih tur leh tih loh tur inzirtirna) nasa zawk neih phawt a tul tih an rel.
Pornography (zahmawh lam) kaihhnawih thil ah hian copyright a awm lova, mahse, mobile phone ah emaw computer ah internet hmanga hetiang milem emaw thu thawn ang hi chu dan kalh a ni tih te, sap emaw vai emaw Korean film te pawh Mizo tawnga dubbing (lehlin/tawngtir) ang chi te local cable operator ten an tih chhuah thin te pawh dan kalh jail tan emaw sum tam tak chawi theihna a nih thu te, internet atanga thlalak lak chhuah, a lakna ziak si lova chanchinbu/magazine leh lehkhabu danga tarlante pawh dan kalh anih thu he meeting hian an tarlang.
Vawiin meeting hian an thil sawi leh rawt te chu sorkar pawmpui turin an dah chhuak anga, pawm anih veleh dan khauh taka lekkawh nise tih an rel a ni.
He meeting ah hian Chairman Law Commission Pu R. Lalrinawma; Pu Lalmalsawma, Home Commissioner; Pu P. Chakraborty, Law Commissioner; Pu Lalrokhuma Pachua, DGP bakah SP Aizawl; Law Department hotute, MJA aiawh leh I&PR department aiawhte an tel a ni.
Pu Lalmalsawma, Home Commissioner tunhmaa Ministry of HRD, Govt. of India, New Delhi a awm lai a Registrar of Copyright for India ni thin te, Pu P. Chakraborty, Law Commissioner leh Pu Lalrokhuma Pachuau, DGP ten an hriat leh tawn tawh thin te an sawi.
Committee chuan Mizoram-ah Copyright inruk sakna a nasa hle tih an sawi tlang a, amaherawh chu Copyright Cell (mahni kutchhuak inziah luh tirna) tun hma a awm chu tih nun leh phawt a, Registration Cell leh Awareness (mipui hnena tih tur leh tih loh tur inzirtirna) nasa zawk neih phawt a tul tih an rel.
Pornography (zahmawh lam) kaihhnawih thil ah hian copyright a awm lova, mahse, mobile phone ah emaw computer ah internet hmanga hetiang milem emaw thu thawn ang hi chu dan kalh a ni tih te, sap emaw vai emaw Korean film te pawh Mizo tawnga dubbing (lehlin/tawngtir) ang chi te local cable operator ten an tih chhuah thin te pawh dan kalh jail tan emaw sum tam tak chawi theihna a nih thu te, internet atanga thlalak lak chhuah, a lakna ziak si lova chanchinbu/magazine leh lehkhabu danga tarlante pawh dan kalh anih thu he meeting hian an tarlang.
Vawiin meeting hian an thil sawi leh rawt te chu sorkar pawmpui turin an dah chhuak anga, pawm anih veleh dan khauh taka lekkawh nise tih an rel a ni.
He meeting ah hian Chairman Law Commission Pu R. Lalrinawma; Pu Lalmalsawma, Home Commissioner; Pu P. Chakraborty, Law Commissioner; Pu Lalrokhuma Pachua, DGP bakah SP Aizawl; Law Department hotute, MJA aiawh leh I&PR department aiawhte an tel a ni.
