Mizoram hmun hrang hrang rawn tlawh mek Dr. Hrusikesh Panda, Addl. Secretary to Govt. of India, Ministry of Panchayati Raj chuan tukin zing dar 9:00 khan Aizawl khawchhung chanchinthar lakhawmtute a thlenna State Guest House, Chaltlang-ah a kawm.

Dr. Panda chuan mipuite kutah mawhphurhna leh thuneihna sang zawk pek anih theih nan Central sorkar (sorkar laipui) chuan hma a la mek a, chumi atan chuan Mizoram pawh rawn kal anih thu a sawi a, a lo kal hmasak tuma a rawtna te District council 3, Chakma, Lai leh Mara ah thlawhtlinna a hmuh thu ah lawmthu a sawi.

District Council pathumah hian hmeichhiate tan seat reservation siam anih theih nan hmalak mek a ni a, a tan nan chuan District Council tinah 2 (pahnih) siam phawt a ni ang, a ti.

Village Council thinah a len leh tet lam ngaihtuah lovin seat 1 (pakhat) dah zel hrih phawt anih tur thu sawiin, hemi seat hi chu contest (chuh) ngai tur Elected Seat a ni dawn tih Dr. Panda chuan a sawi.

State Financial Commission pawh State sorkar-in a duang mek a, neih thuai a nih a beisei thu Addl. Secretary chuan a sawi bawk.