Vawiin chawhnu khan Chief Secretary Pi L. Tochhawng hovin Chief Secretary Conference Hall-ah Council of Ministers thar atana Swearing-in-Ceremony chungchangah meeting neih leh a ni a, hemi chungchangah hian December ni 9 pawh khan an lo meeting tawh a ni.

Chief Minister leh Council of Ministers thutiamna ‘Swearing-in-Ceremony’ chu Inrinni, December ni 14 zing dar 11:00 AM ah Circular Lawn, Raj Bhawan-ah neih a ni ang a, Ram Danpuiin a tarlan angin Governor chuan Chief Minister leh Council of Ministers te chu ‘Oath of Office and Secrecy’ tiam tir in lak luh ang.

Hemi ni vek hian Mizoram Legislative Assembly 7-na Protem Speaker lak luhna pawh Raj Bhawan-ah neih rin a ni.

Meeting-ah hian Addl. Chief Secretary, Pi M. Sathiyavathy; DGP; Secretary to Governor, IGP; DC, Aizawl; SP Aizawl leh Department thenkhat hotulute an tel. Meeting-ah hian Department hrang hrang mawhphurna lo pek tawh te sawilan niin, hma an lak dan thlir ho a ni a, a tul anga hma la turin a kaihhnawih Department-te chu hriattir nghal an ni.

Swearing-in-Ceremony hi Cable TV ah live a pek chhuah tum a ni.