Vawiin chawhnu khan ATI Auditorium-ah Sawrkar Ukil te leh Sawrkar hnathawk Court Case khawihtute inkawmna hun Law & Judicial Department te chuan an buatsaih a. He hun hi Law Minister TJ Lalnuntluanga chuan a hmanpui a ni.

Law & Judicial Minister Pu TJ Lalnuntluanga chuan Sawrkar hmalakna pawimawh zual en in sawrkar sum hloh zawnga Court case a chaklo lama tang tawh lovin a chak zawk lama tan a pawimawh tawh tak zet tih a sawi a. Court-ah Sawrkar a chaklo fo chu veiawm a tih thu sawiin he thil chingfel tur chuan Sawrkar File khawihtute leh Court hma  a - Sawrkar tana ding Sawrkar Ukil te an inpawh that a ngai a. High Court leh District Court ah te pawh Sawrkar Ukil te hi a tul phawt chuan rawn reng theih an ni. Sawrkar hnathawk File khawihtute pawn Sawrkar Ukil mamawh documents leh para wise comment te a hun takah an peihfel a, an pek zat zat theih chuan sawrkar in Court case a hloh fo tawh dawn lo a ni a ti.

Pi Marly Vankung, Secretary, Law & Judicial chu sawrkar hnathawkte leh Sawrkar Ukil te inkawmna hunah hian Moderator-ah a tang a. He hunah hian sawrkar hnathawkte leh sawrkar ukil te chuan an thil tawn leh hriatte inhrilh tawn in tha taka an thawh ho dan te rawtna an in pe tawn bawk a ni.