Lawngtlai, Tau thla ni 10, 2021: Tun hnaiah COVID-19 case nasa taka a pun thar avang leh Disaster Management & Rehabilitation Department-in April ni 9, 2021-a order a chhuah zulzuiin, Lawngtlai District Magistrate Dr Andrew H. Vanlaldika, MCS chuan vawiin khan CrPC (Criminal Procedure Code) 1973 section 144-na tlawh chhanin Lawngtlai District chhunga hri inkai darh tur ven nan a hnuaia thupek hi a chhuah.

"1. Zan dar 8:30 leh zing dar 4:00 inkarah mi tu mah pawn chhuah phal a ni lo.

"He thupek hian he'ng mite hi a huam lo vang:

1.) Magistrate duty,
2) Police duty, Fire Emergency duty, Jail duty, etc.
3) Hospital-a duty-te,
4) Medical Emergency,
5) Print & electronic media mite,
6) District Magistrate leh Sub-Divisional Magistrate-in phalna a pekte."

He thupek hian thu leh a awm a nih loh chuan puan a nih ni (10.04.2021) atanga thla hnih chhung a huam ang a. A bawhchhia chu IPC (Indian Penal Code) section 188-na hmangin hrem an ni ang.