No.6417/2020-2021
Aizawl, the 31stOctober 2020 : COVID -19 Contact Tracing atanga Swab sample lak tur chin, test neih chungchang leh inkhunghran (quarantine) hun chungchang Sawrkarin Notification NO.D.33011/22/2020-HFW(nCOV)/Vol.I/A Dated 23/9/2020 a lo chhuah tawh sa luahlan tur hemi chungchangte hriattirna thar vawiin khan Sawrkarin a chhuah a, a chhuah ni vawiin atangin thu leh awm hme chu hman tur a ni a. Hriattirna thar hi a hnuai ami ang a ni e.
Contact tracing atanga Covid test leh quarantine chungchang
1. Primary High Risk contact (Covid kaite nena inhnimhnai, kaina chance sang te)- Mi tupawh Contact Tracing Team ten an chhuichhuah atanga Primary High Risk Contact te chu contact an neih ni hnuhnung ber (last day of contact with covid positive) atanga ni 7-10 inkarah an swab sample lak tur a ni. Result chhuah hma chu fimkhur leh uluk takin an inkhung hrang (strict quarantine) ngei ngei tur a ni. Test result a lo negative pawhin covid-19 kai nena an in contact ni hnuhnung ber atanga chhiar a ni sawm (10) chhung chu fimkhur leh uluk takin anmahni in lamah an inkhunghrang (strict home quarantine) ngei ngei tur a ni.Hemi hnuah pawh mahni hriselna chik takin ni 7 chhung an inenzui (strict self monitoring) ang.
2. Primary Low Risk Contact(Covid kaite nena lo inhnaih ve, kaina chance sang lo) - te chu insawiselna (symptoms) an neih loh chuan Swab sample lak a ngai lovang a, in khunghran (quarantine) pawh a ngai lovang. Amaherawh chu, Covid kai te nen an in contact atanga ni 14 chhung chu mahni hriselna inchikin fimkhur takin an khawsa tur a ni.
3. Secondary contact(Direct taka Covid kaite nena in hnimhnai lo) — Primary high risk contact te nen lo inhnimhnai ve leh chhawng (e.g. an chenpui, hnai taka an contact etc) te chu Primary High Risk Contact te result chhuah hma chu an 10 inkhung hrang phawt tur a ni a, Primary high risk contact-te result a positive chauhin Swab sample lak ve tur a ni. Anmahni (Secondary contact) te hi an result chhuah hma chu an inkhunghrang ang a, an result a lo negative chuan inkhunghran chhunzawm a ngai tawh lovang. Primary High risk contact te result a negative chuan secondary contact te swab sample lak a ngai lovang a, inkhunghran chhunzawm a ngai lovang.
Contact chungchang sawifiahna:
Contact tracing chhuina atan chuan Covid kai te an positive tih hriatchhuah atanga chhiar leta ni 10 chhunga an contact te a huam ang. Contact te chu hetaianga then an ni ang
1) Primary High Risk Contact te chu:
a) Covid-19 kai khak, thisen, luak, chil, zun, ek etc kuta khawih leh Covid-19 kai in an khuh/ hahchhiau khum.
b) PPE hmanglo a Covid- 19 kai taksa khawih (eg. chibai) leh endik (exam).
c) Covid- 19 kai thawmhnaw, mutbu, bungbel (eg. Thleng, no etc), thildang an låawih e.g. lehkha, pawisa etc. hnu darkar 24 ral hmaa invenna (e.g.: Sanitzer hman, Kutsil, etc.) hmang lo / inveng zui lova khawih.
d) Covid-19 kai nena in khata khawsa ho (family members).
e) Invenna (mask) hmang lova Covid-19 kai nen 1 metre (3 ft) aia inhnaiha awmho.
f) Covid-19 kai nen Metre khat (3 ft) aia inhnaiha motor/rel/thlawhna etc a chuangho.
g) Covid-19 kaite nen hnathawhna hmun (office/dawr,etc.) a pindan khata thawkho.
h) Covid-19 kai ten Puipunna hmun (eg. Dawr/ATM/Petrol Pump, etc.) an tlawh a nih chuan chumi hmuna thawktu covid-19 kai lo hnaihtu leh Covid-19 kai kal laia 10 awm / kal ve te chu Primary High Risk Contact ah chhiar an ni ang.
2) Primary Low-risk contact te chu:
a) Covid-19 kai nen meter khat (3 ft) aia inhlata hmunkhata awm ho.
b) Metre khat (3 ft) aia inhlata rel/motor/thlawhna a Covid kaite nen chuangho.
c) High risk a chhiar phak si loh, covid kai nena lo inhnai ve deuh satliah
3) Secondary contact :
Covid kai leh anmahni tak chu direct takin an in contact lova, mahse Primary high risk contact te nena 10 inhnimhnai ve leh chhawng an ni. Invenna hmang lova Primary high risk contact nen 1 metre (3 ft) aia inhnaiha minutes 15 vel leh a aia rei awm hote, primary high risk contact chenpui te, invenna tel lova primary high risk contact te nen 1 metre (3 ft) aia lo inhnimhnai te a huama a ni.
