No.3292/2019-2020 

Aizawl Bawrhsap Pu Vanlalngaihsaka chuan COVID-19 hrileng laka mipui kan him tlanna turin a hnuaia mi ang hian Curfew a puang.

Tunlai khawvela natna hrileng hlauhawm tak Corona Virus (COVID-19) laka Mizoram mipuite kan him theih nan Sawrkar chuan hma nasa takin a la a. Tunah hian he natna hian Mizoram pawh a lo thleng ve ta hial a.

He natna a darh zau zel loh nana Zoram mipuiin kan tih theih vek chu pawn chhuak lova mahni Ina tawmbo vek a ni a. Hemi tihlawhtling tur hian khauh zawka inkhuahkhirh a tul tain a lang a.

Chuvangin, Kei, VANLALNGAIHSAKA, District Magistrate, Aizawl District, Aizawl chuan Section 144 CIPC (Act 2 of 1974) leh Regulation 11 "The Mizoram Epidemic Diseases (COVID-19) Regulations, 2020" in thuneihna min pek angin a hnuaia thupek hi ka chhuah e;

Aizawl Municipal Corporation (AMC) area, Aizawl District chhungah a hnuaia tarlan mite chauh lo chu pawn chhuah phal a ni lo:

1) State Level Task Force on COVID -19 Member-te

2)District Level Task Force on COVID-19 Member-te

3)Local Level Task Force on COVID-19 Member-te

4)COVID-19 do kawnga Sawrkarin hma la tura a ruat bikte

5)Sawrkar hnathawk essential commodity leh service khawih tura thawk chhuakte

6)Army, BSF, CRPF, Assam Rifles leh BRTF duty

7)Magistrate leh Police duty

8)Hospitala thawk zawng zawng

9)PHE tui sem leh tui phur

10)Chanchinbumi accreditation nei leh electronic media cameramen leh reporter te

11)AMC hnuaia bawlhhlawh paih motor

12)Petrol pump leh LPG semchhuaktu

13)Essential commodity semtu

14)Bawnghnute sem

15) District Magistrate leh Sub-Divisional Magistrate in phalna a pekte

He thupek hian vawiin Ni 25 March, 2020 zan dar 9:00 PM atanga thu leh awm hma chu a huam ang.