No.717/2020-2021
1. Cement chungchang :- Vawin khan Director, FCS&CA Dr. Lalhriatzuali Ralte, IAS, Controller, Legal Metrology ni bawk kaihhruaiin a office chamber-ah Legal Metrology Officer te, Cement Company Agency aiawh te, Cement & Iron Rod Dealer Association aiawh te leh Mizoram Consumer Union aiawh te thukhawmin tun hnaia COVID-19 crisis laia cement man to chungchang an sawi ho.
Vawiin sawihonaah hian Mizorama cement lak luh theih chhunte rualkhai tak a insem a that thu sawiho niin a man to uchuak, maximum retail price pel a zuartu chu dan anga man leh hrem an nih theihna turin Legal Metrology thuneitute hnenah report thin turin mipuite chah ni se an ti a. Hetih rual hian cement company aiawhte chu an dealer list Legal Metrology ah thehlut vek turin hriattir an ni.
Tunah hian State pawn lamah cement stock hi la awm nual a ngaih a ni a, mahse tun dinhmunah heng te hi phurh luh a harsa rih hle a ni. Chuvangin hengte hi theih ang ang a la chhuak hram turin cement company aiawhte chu hma lo la a, sawrkar nen a tul dan ang a thawhho nise an ti a ni.
2. Mizoram chhunga Jail tang zawng zawng te tan May, 2020 - March, 2021 chhung atan buhfai allocation 2121.90 qtls. dilsak an ni a. Hengte hi Director hmalakna in FCI in release order chhuah tawhin FCI Godown Tanhril atangin GMG Zuangtui ah phurh thlen mek a ni.
3. PM-GKAY hnuaia AAY leh PHH Ration Card nei te tan mi pakhat tan thla khatah buhfai 5 kgs a thlawn a sem tur chu April leh May, 2020 thla a tan sem mek zel a ni.
4. PM-GKAY hnuaia AAY leh PHH Ration Card neite tan dal (pulses) Card khatah thlakhat a tan 1 kg zel sem tur phai atanga lo thleng chu vawiin tlai atangin Lawngtlai ah sem tan a ni.
