No.573/2020-2021

Labour, Employment Skill Development & Entrepreneurship (LESDE) Department chuan a hnuaia Directorate / Attached /Subordinate Office-a Staff zawng zawng te nikhat hlawh tlingkhawm Rs. 2,74,420 (Nuaihnih singsarih sangli, zali sawmhnih) chu CM Relief Fund ah vawiin khan an chhunglut.

Labour, Employment, Skill Development & Entrepreneurship (LESDE) Department hian COVID-19 hrileng avanga kuthnathawk harsatna tawk te tan Free Ration leh Welfare Measure (mi pakhat tan Rs. 3000) a sem tawh bawk a. Tanpuina pekchhuah tawh dan chu a hnuai a mi ang hi a ni:

I. Free ration:

Free Ration atan hian Food, Civil Supply & Consumers Affairs Department te kaltlangin April thla free ration man Rs 6,40,67,820/- (Vaibelchhe ruk, nuai sawmli, singruk sangsarih zariat sawmhnih) chu FCS&CA Department hnenah a hlan.

II. Welfare Measure:

Total lockdown avanga Welfare Board a inziaklut kut hnathawk, inkharkhipna avanga inhlawh theilo te tan Welfare Measure Rs. 3000/- theuh member te account-ah a thun sak a. Tun dinhmunah Member 49,598 hnenah Rs 14,87,94,000/- (Vaibelchhe sawmpali, nuai sawmriat pasarih, singkua sangli) pek tawh a ni.

Tichuan, Covid-19 hrileng avanga LESDE Department in sum a thehchhuah zawng zawng chu:

Rs. 6,40,67,820 + Rs. 14,87,94,000 + Rs. 2,74,420 = Rs. 21,31,36,240 (Vaibelchhe sawmhnih pakhat, nuai sawmthum pakhat, singthum sangruk zahnih sawmli) a ni.