No.615/2020-2021
- FCS & CA, Home Deptt. leh SIPMIU hmalakna in Fire Department chuan vawiin atangin GMG Zuangtuiah state dang atanga buhfai lo phurtu Truck te leh a hmunhma vel disinfectant-a kah (spray) an tan.
- State pawn atanga buhfai phur truck lo lutte GMG Zuangtui a an inhnawhtawt lutuk venna atan Aizawl DC, SP leh FCS & CA te hmalakna in Buichali bula Tourist Lodge-ah check gate siam fel a ni a, Truck-te an lo din lailawkna tur pawh buatsaih fel a ni bawk. Hetah hian Truck chetvel dan felfai zawk a awm theihna turin FCS & CA official-te leh Police lam te, nizan atangin an riak lut tan.
- Muanna veng leh Godown a thawktute him zawkna turin FCS & CA leh Health Department te hmalakna in vawiin atangin GMG Zuangtuiah Medical Screening neih tan a ni a, hnam dang driver-te pawh uluk taka endik (screen) zel tum a ni.
- Carrying Contractor-te chu an hnuaia buhfai phurte hman tur mask pe ngei tura hriattir an ni. Kudam-a buhfai load leh unload lai pawhin driver-te motor atanga a tlem thei ang ber chhuak tur leh labour-te nen pawh social distancing an ngaih pawimawh theihna turin thawktute leh local task force te ruahmanna lo siam tura tih an ni.
- Kut sil ngun tura driver-te hnenah awareness pek reng an ni a, kudamah kut silna (Hand Sanitizer) leh sahbawn te pawh chhawp reng a ni.
- Ni 25, April 2020 (Inrinni) tlai dar 5:00 khan GMG Zuangtuiah FCS & CA Director hoin Task Force leh Contractor (ZIDCO) aiawhte inkawmkhawmna hun tha tak neih a ni a, Director hian Department aiawhin Task Force te hnenah lawmthu sawinan leh an tha tihchakna turin Rs. 15,000/- a hlan bawk.
He inhmuhkhawmna hunah hian Health Department lam atangin Dr. Vanlalrengpuia’n awareness neih pahin PPE chungchang te, Kut silfai leh mask hman pawimawhna te disinfectant hman that leh that lohna point pawimawh hrang hrang te a sawi a, kalkhawmten hlawkthlak an ti hle.
