No.742/2020-2021

1. Vawin khan Task Group on Commodities & Transport chu an chairman Pu H.L Rochungnunga, IAS, Commissioner & Secretary, FCS&CA hovin a pisa ah an thukhawm. Hetah hian cement leh package goods te MRP ai a to a hralh tur a nih loh thu leh chutiang a lo hralh an awm a nih chuan heng a hnuaia Legal Metrology hotute hnenah hian hriattir thin turin mipuite an ngen.

Pu Laldawngliana, Joint Controller - 9856335411
Pu Johnny Remngaia, Dy. Controller - 9436154427
Pu Lalrinthanga, Asst. Controller - 9436196512
Pu VanlalremaHnamte, Asst. Controller - 9436154512

2. Task Group in rawtna a siam angin Oil Tanker leh Essential Commodities phur Truck Driver leh Handyman te chu Vairengte ah chawlh lailawkna hmun (Transit Accommodation) siam tura hmalak a ni a. Mizo Driver te chu Tourist Lodge, Vairengte ah leh Vai Driver, an motor a riak duh zawkte chu Vairengte IOC Depot hmang tura ruahmansak an ni. Hengte hi SDO(C) Vairengte in a lo buaipui dawn a ni.

3. Pu Vanlalngaihsaka, DC, Aizawl leh PuLalruaia, SP, Aizawlte chuan vawiin khan GMG Zuangtui tlawhin buhfai dinhmun leh COVID-19 laka invennate a hmunah an enpui.

4. PM-GKAY hnuaia AAY leh PHH Ration Card neite tan dal (pulses) Card khatah thlakhat a tan 1 kg zel sem tur phai atanga lo thleng chu nimin tlai atangasem tan niin vawiinah pawh Lawngtlai leh Siaha ah te sem chhunzawm nghal a ni. Dal hi a lo la thleng mek zel a District dangah pawh program duan lawk angin sem chhunzawm zel a ni ang.