No.2150/2020-2020

Covid-19 hrileng avangin ramin hun harsa leh khirh tawk mekin mitinin mahni theihna ang angin do hna an kalpui mek a, Medical lam training chhuak thenkhatte phei chuan hlawh engmah phut lovin an thiamna te chu a tulna hmun apianga hmanga midangte chhanchhuak turin an inpe a ni. Lunglei District-ah pawh volunteer awm belh zelin a hnuaia tarlan te hi Lunglei District H&FW Department hotute hnenah Covid-19 do kawnga tul ang ang thawk tura inhuamin an rawn in report leh a ni.

1. Janet Lalruatsangi 22 yrs d/o C.Lalbeiseia, Rahsiveng Medical Laboratory Technology BHSS Serkawn a zirchhuak,

2. C. Lahmangaihzuali d/o Sainghinga Lunglawn, Medical Laboratory Technology BHSS a zichhuak,

3. F Lalliankimi 23 yrs d/o F Lalhlunthanga, Bazar veng, Diploma in Medical Laboratory Technology (DMLT) Assam Downtown University atang a zirchhuak,

4. C Rohlupuii 22 D/o C Lalbiakliana Electric veng, Diploma in Medical Laboratory Technology (DMLT) Assam Downtown College atanga zirchhuak,

5. K. Lalsiamthangi 22 yrs, d/o K Vanlalhruaia Chanmari -III Diploma in Medical Laboratory Technology (DMLT) Assam Downtown University a zirchhuak,

6. Jennifer C.Laltlanhlui 23 yrs d/o C Lalchhandama Zohnuai, Diploma in Medical Laboratory Technology (DMLT) Assam Downtowm atanga zir chhuak,

7. Malsawmdawngliana 24 yrs s/o Biakkunga Zotuitlang, Kulikawn Health Worker Training Institute atanga zir chhuak

Covid-19 avanga harsatna tawh mek karah heng volunteer-ten hlawh pawh phut miah lova midang tanpui tura an rawn inpe chu Lunglei District Task Force on Covid-19 chuan lawmawm tiin anmahni leh an chhungte chungah lawmthu an sawi a. An thiamna te chhawr tangkai turin Lunglei District H&FW Department te chuan hma an la nghal a, volunteer-te hi training te neih pui nghal an ni.