No.5466/2020-2021
Health & Family Welfare Department, Government of Mizoram chuan nimin September ni 25, 2020 khan a hnuaia tarlan ang hian Covid-19 hri kai / damlo te enkawlna hmun (CCC/DCHC/DCH/Home Isolation) atanga chhuahtir (discharge)/ enkawlna tihtawp dan tur thupek an tichhuak
Covid-19 hri kai / damlo te enkawlna hmun (CCC/DCHC/DCH/Home Isolation) atanga chhuahtir (discharge)/ enkawlna tihtawp chungchanga Ministry of Health & Family Welfare, Government of India in inkaihruaina (Guidelines) a siam zulzuiin leh Mizoram tana him leh tha ber tur ngaihtuah chungin, a hnuaia mi ang hian inkaihhruaina duan a ni:-
1. COVID-19 HRIKAI NATNA LANGCHHUAK LOTE (ASYMPTOMATIC) TANA DISCHARGE PROTOCOL:
Natna lang chhuak lo te zingah natna hrik hmuh chhuah anih atanga ni 10 (sawm) chhung chu uluk taka enthlak (observe) an ni ang. Ni 10 ni ah RAgT (Rapid Antigen Test) tih nawn tur a ni.
a. Ni 10 ni a RAgT result hi a NEGATIVE chuan COVID-19 hri kai hi chhuah tir (discharge) theih a ni a, amaherawhchu uluk takin a inenkawl (strict self-monitoring) chhunzawm ngei ngei tur a ni.
b. Ni 10 ni a RAgT result hi a la POSITIVE chuan COVID-19 hri kai chu ni 4 (li) dan zelah RAgT tih tur a ni. RAgT result a negative hnuah chauh chhuahtir (discharge) theih a ni ang a, amaherawh chu uluk takin a inenkawl (strict self-monitoring) chhunzawm ngei ngei tur a ni.
c. RAgT result hi ni 20 (sawmhnih) na ah pawh a la POSITIVE chuan enkawltu Doctor ten District Core Team for Covid Treatment an rawn ang a, anni hian a tul angin Zoram Medical College (ZMC) Core Team te an rawn leh ang a, kalpui zel dan tur an rel ang
(Aizawl district bikah erawh chuan enkawltu Doctor-in a tul dan azirin Zoram Medical College (ZMC) Core Team te an rawn ang).
2. COVID-19 HRI KAI (ASYMPTOMATIC) HOME ISOLATION A AWMTE TANA DISCHARGE PROTOCOL:
Covid-19 hri kai natna lang chhuak lo mahni ina awmte chu Swab Sample lak ni atanga ni 10 (sawm) chhung chu uluk taka enthlak (observe) an ni ang a. Ni 10 (sawm) ni-ah RagT (Rapid Antigen Test) tih tur a ni.
Ni 10 ni a RAgT result hi a NEGATIVE chuan COVID-19 hri kai hi chhuahtir (discharge) theih a ni a, amaherawhchu uluk takin a inenkawl (strict self-monitoring) chhunzawm ngei ngei tur a ni.
b) Ni 10 ni a RAgT result hi a la positive chuan COVID-19 hri kai chu ni 4 (li) dan zelah RAgT tih ziah tur a ni. Ragt result a negative hnuah chauh dama ngaih an ni ang a, discharge/ enkawlna tih tawp theih a ni ang. Amaherawhchu uluk takin inenkawl (strict self-monitoring) chhunzawm ngei ngei tur a ni.
c) RAgT result hi ni 20 (sawmhnih) naah pawh a la POSITIVE a nih chuan enkawltu Doctor ten District Core Team for Covid Treatment an rawn ang a, anni hian a tul angin Zoram Medical College (ZMC) Core Team te an rawn leh ang a, kalpui zel dan tur an rel ang.
(Aizawl district bikah erawh chuan enkawltu Doctor in a tul dan azirin Zoram Medical College (ZMC) Core Team te an rawn ang).
3. COVID-19 HRI KAI NATNA LANG CHHUAK TE (SYMPTOMATIC MODERATE) TANA DISCHARGE PROTOCOL :
COVID-19 hri kai natna lang chhuakte zingah natna a lan chhuah atanga ni 10(sawm) ni-a a tawp ni 3 (thum) chhung emaw a aia rei emaw khawsik a neih loh va, oxygen saturation pawh 95% aia sang i.e, Spo2>95% a nih bawk chuan RAgT (Rapid Antigen test) tih tur a ni. RAgT result a zirin a hnuaia mi ang hian test leh enkawl chhunzawm tur a ni:-
Ni 10 ni a RAgT result hi a NEGATIVE chuan COVID-19 hri kai hi chhuahtir (discharge) theih a ni a, amaherawhchu uluk takin a inenkawl (strict self -monitoring) chhunzawm ngei ngei tur a ni.
b) Ni 10 ni a RAgT result hi a la POSITIVE chuan, ni 4 (li) danah uluk taka ennawnin RAgT tih tur a ni. RAgT result a NEGATIVE chuan chhuahtir (discharge) theih a ni a, amaherawh chu uluk takin a inenkawl (strict self-monitoring) chhunzawm ngei ngei tur a ni.
c) RAgT result hi ni 20 (sawmhnih) na-ah pawh a la POSITIVE a, mahse a tawp ni 3 (thum) chhung emaw a aia rei emaw khawsik a neih loh a, oxygen saturation pawh 95% aia sang, ie >95 % a nih si chuan a enkawltu Doctor ten District Core Team for Covid Treatment an rawn ang a, anni hian a tul angin Zoram Medical College (ZMC) Core Team te an rawn leh ang a, tichuan kalpui zel dan tur an rel ang.
(Aizawl district bikah erawh chuan enkawltu Doctor in a tul dan azirin Zoram Medical College (ZMC) Core Team te an rawn ang).
4. COVID-19 HRI KAI DAMLO NA ZUAL LEH NATNA BENVAWN NEI (SEVERE, CRITICAL AND IMMUNO-COMPROMISED CASES) TE TANA DISCHARGE PROTOCOL:
COVID-19 hri kai damlo na zual leh natna benvawn neite chu 3 (thum) chhung khawsik an neih tawh loh bakah, ni 3 (thum) chhung an oxygen saturation pawh 95% aia sang i.e. SpO2>95% a nih bawk chuan RT-PCR hmanga swab sample test tur a ni. RT-PCR test result azirin a hnuaia mi ang hian test leh enkawl chhunzawm tur a ni:-
a) RT-PCR Test result hi a NEGATIVE chuan COVID-19 hri kai hi chhuahtir (discharge) theih a ni a, amaherawh chu ni 7 (sarih) dang inah a in khung hrang (home isolation) chhunzawm ngei ngei tur a ni.
b) RT-PCR Test result hi a la POSITIVE chuan, ni 4 (li) hnuah uluk taka ennawnin RT-PCR test leh tur a ni. A la positive zel chuan ni 28 (sawmhnih pariat) chhung chu ni 4 (li) dan zelah test tur a ni.
c) RT-PCR Test result hi ni 28 (sawhnih pariat) hnuah pawh a la POSITIVE zel a, mahse a tawp ni 3 (thum) chhung emaw a aia rei emaw khawsik a neih si loh a, oxygen saturation 95% aia sang i.e, Spo2>95% a nih chuan, a enkawltu Doctor te'n District Core Team for Covid Treatment an rawn ang a, anni hian a tul angin Zoram Medical College (ZMC) Core Team te an rawn leh ang a, tichuan kalpui zel dan tur an rel ang.
(Aizawl district bikah erawh chuan enkawltu Doctor in a tul dan azirin Zoram Medical College (ZMC) Core Team te an rawn ang).
5. COVID-19 hri kai chhuah (discharged person) te in lama an haw dawnin a enkawltu doctor-in a tul angin an chhungte a hrilhfiah tur a ni.
6. Enkawltu doctor-in COVID-19 hri kai chhuah te (discharged person) dinhmun hi Local/Village Level Task Force hnenah a hrilh hre tur a ni.
