3156/2022-2023
Lunglei the 29th December, 2022 – Vawiin chawhma khan Lunglei DC Pu Kulothungan A kaihhruaiin a office chamber-ah Covid-19 chungchangah meeting neih a ni. Meeting-ah hian H&FW Department leh District administration hotute telin Covid-19 hrikai pun leh thulha lo inpuahchah dan turte leh Lunglei District-a Covid-19 do na hmanrua awm mek dinhmunte sawiho a ni.

Lunglei DC Pu Kulothungan A chuan khawvel ram hrang hrangah Covid-19 hri a darh leh mek tawh a, India ramah pawh tun dinhmunah Active Case 3500 chuang a awm mek avangin kan District pawh kanlo inpuahchah lawk a, a do na hmanrua kan neih dinhmunte kan thlirho a tul a ni, a ti a. H&FW Department hotute chu an mamawhte thlen vat turin a hriattir a ni.

Meeting-ah hian Lunglei CMO Dr LC Liana leh Medical Superintendent Dr SR Ngurchamliana chuan report an pe a.

Tun dinhmunah Lunglei District-ah Covid-19 active case aawm lova, December ni 15, 2022 atanga khan hrikai thar hmuhchhuah an awmlo a ni. Lunglei District-ah Oxygen plant pahnih awm mekin chungte chu Civil Hospital Lungleiah pressure swing adsorption (PSA) oxygen plant 1000 LPM (litres per minute) leh Christian Hospital Serkawnah pressure swing adsorption (PSA) oxygen plant 800 LPM (litres per minute) te an ni. Civil Hospital Lungleiah khum 70 (operation theater, emergency etc chhiar telin) ah oxygen pek chuah mek a ni a. Khum tam zawkah oxygen hi pek chhuah anih theihnan Medical Gas Pipeline System (MGPS) bun belh turin sawrkarah dilna thehluh ni se tih Committee chuan a rel a. Oxygen cylinder 417 neih mek niin a ruak thun turin Aizawlah thawn mek a ni a. Tun dinhmunah RT PCR test kit 7000, Truenat test kit 1000, Rapid Antigen Test kit 3000, PPE 1200 leh N95 mask 500 stock a awm mek a ni.

Lunglei District-a Covid-19 Vaccine pek chhuah dinhmun (as on 28/12/2022) chu hetiang hi a ni:

Tun dinhmunah vaccine stock a awm rohlo avangin vaccination hi chawlh lailawkanih thu Lunglei CMO Dr LC Liana chuan a report a ni.