No.4479/2020-2021
Mizoram State Election Commission chuan, Village Council leh Local Council inthlanna lo awm turah COVID-19 hrileng avanga Quarantine mek te'n vote an thlak theih dan tur ruahman tura Deputy Commissioner-te a hriattir angin, Aizawl District chhunga inthlannaa chutiang mite'n vote an thlak theih dan tur chu a hnuaia tar Ian ang hian ruahman a ni:
1. Village/Local Council Election 2020 ni 27.08.2020-a neih turah hian Quarantine mek vote nei si te chu COVID-19 test negative tih hriatchian annih chauhin vote an thlak thei ang.
2. Quarantine lai mék vote thlak turte'n an vote thlak hmain COVID-19 test an negative ngei a ni tih chianna Presiding Officer hnenah an hmuh zel tur a ni.
3. Quarantine mek Vote thlak turte'n Surgical Glove/kutkawr an bun vek tur a ni a, vote thlak chhung zawngin face mask an vuah tur a ni. A tul thuta hman atan pen an pai bawk tur a ni.
4. Quarantine mek vote thlak tura kal chhuak ten kawng lakah emaw Polling Booth velah emaw chil chhak awih a ni lo. Hahchhiau leh khuh reng rengin rawmawla inhup zél tur a ni a. Rawmawl a awm remchang lo a nih chuan kiu tawmin ka hup zel tur a ni.
5. Quarantine-na hmun atanga Polling Booth panna-ah Social Distancing Norms an zawm tur a ni a, hmun dangah an peng khawtlai tur a ni lo. Vote an thlak zawhah Quarantine-na hmun an pan leh nghal tur a ni.
6. Quarantine-na hmun atanga Vote thlåk tura kal leh hawna atana motor hman a nih chuan, Driver thutna leh passenger thutna inkårah indaidanna sarang an zar ngei tur a ni a; Driver leh Quarantine-te an inawm pawlh tur a ni lo. Motor hi an hman zawh veleh anmahni senso-in sodium hypochlorite-in an tithianghlim nghal vek tur a ni.
7. Vote thlakna atana motor hmanna senso chu vote thlaktuin a tum ang a, motor pakhatin chhungkua khata vote neite bak phurh loh tur a ni.
8. Quarantine mékte vote thlak tura an veivahna motor emaw an senso emaw hi candidate ten ngaihtuahsak awih a ni 10 va, MPF-te'n a tul dan angin an ngaihtuahpui thei ang.
9. Vote thlak tur zawng zawng te'n vote an thlak zawh vek hnuah Quarantine mekten vote an thlak thei ang. Vote thlak theih hun hi Presiding Officer in MPF-te be rawn chungin a ruahman anga, hei hi mipui hriat turin a puangzar tur a ni.
10. Ballot Paper thlakna tura bawm/envelope/plastic bag a hranga ruahmanah thlak tur a ni. Hei hi Presiding Officer in a ruahman tur a ni.
11. Quarantine-te vote hi fimkhur taka a hranga chhiar tur a ni a, vote chhiarturten vote chhiar laiin kutkawr an bun ngei tur a ni.
12. Quarantine mekte vote thlak zat in thlan tlin tak leh tling lote vote hmuh inthlauhna aia a tlem chuan chhiar a ni lo ang.
13. Quarantine-te'n him taka vote an thlak theihnan VLTF/LLTF/MPF ten ruahmanna an lo siam ang a, Sawrkarin COVID-19 hrileng laka himna tura dan zawm tur a tih angte zawm chungin ruahmanna a tul ang zela siam tur a ni.
