No.267/2021-2022


Aizawl, the 26th April 2021: Vawiin chawhma khan Governor PS Sreedharan Pillai leh Mizoram Presbyterian Kohhran hruaitute chu Covid -19 hrileng dona chungchang sawiho in Raj Bhavan-ah an in kawm.

Governor Pillai chuan Mizoram chu Covid-19 hrileng dona kawngah state dang te ngaihtuah chuan a thawk tha pawl tak kan ni a. Hei hi a chhan pawimawh tak pakhat chu Kohhran hruaitute leh NGO hruaitute puitlinna leh an mawhphurhna an hriat chian vang a ni a ti. Governor chuan Mizoramah chuan Kristian sakhaw betute an tam ber a; hei vang hian Covid -19 Hrileng dona kanga mipui te zawmtur pawimawh zirtir kawngah leh sawrkar hmalakna te thlawp tura inzirtirna kawngah Kohhran hruaituten mawhphurhna pawimawh tak an nei tih a sawi a. Hemi chungchang sawiho tur hian kohhran hruaite te inzawmkhawm pawl, MKHC te kawm pawh a la tum tih a sawi a ni. Governor chuan Mizorama Kohhran lian ber Presbyterian Kohhran mawhphurhna chu a la pawimawh dawn chauh a; Hrileng dona kawngah Kohhran dangte entawn theih tur ni zel tur leh a tul bika sawrkar thlawp a tul hunah te pawh lo inhawng chhunzawm zel turin a ngen a ni.


Governor leh Synod Puipate inkawmnaah hian Rev Dr C.Lalhlira, Moderator,  Rev. Z.D. Lalhmachhuana, Secretary(Jr), Rev. B. Sangthanga, Executive Secretary leh Upa Lalrinmuana, Secretary te an tel a. Synod puipate chuan Hrileng dona kawngah Central sawrkarin state a rawn chhawm dawl thin te leh mi harsa te tan buhfai ei tur te a thlawn bakah tlawm taka khulh tura ruahmanna a rawn siam thin avangin Prime Minister hnenah lawm thu an sawi  a. Presbyterian Kohhran leh Kohhran dangte pawhin Covid -19 hrileng dona kawngah sawrkar an thlawp tlat thu an sawi a ni. Synod Office atanga Tualchhung Kohhran thlengin Covid-19 dona kawngah hian ke an pen chhuak mek zel a, tualchhung kohhran tam tak chuan senso ngai atan leh a tul a hman atan te sum an lo theh chhuak thin tih an sawi a. Kohhran mipui te hnenah fimkhurna chungchang leh hrileng dona kawnga zawm tur pawimawh te pawh a theih dan danin kohhran mite an inzirtir thin tih pawh an sawi bawk a ni.

Attachment

  • Loading attachment...