No.6379/2020-2021
Ventilator hi ICU-a awm ngei tur a nih laiin ICU chiah loah pawh mamawhna azira dah (install) a ni bawk thin. Chuvangin, tuna Mizoram chhung hospital hrang hranga ventilator dinhmun kan sawi hian ICU ami bakah a tulna avanga ward leh hmun danga dah te a huam vek a ni. Tun dinhmunah hian Mizoram sorkar hnuaia Hospital hrang hrang te ventilator neih dan hetiang hi a ni.
- Covid-19 hripui len hmain Mizoram sorkar hospital hrang hrangah ventilator 70 dah a ni a, heng zinga engemaw zat te hi district hrang hranga Trauma Centre a dah tur an ni a. Trauma Centre te hi sak zawh an la ni lo na in ventilator te chu mamawhna avanga hman tangkai mek an ni.
- Covid-19 hripui a lo len takah hian ventilator hi India sorkar laipuiin nunna chhanna atan a pawimawh zia hriain state hrang hrangte a thlawnin a sem a, Mizoram sorkar pawhin ventilator 119 zet a dawng ve a ni.
- State Bank of India pawhin Mizoram sorkarah ventilator 10 lai mai hman turin a pe bawk a ni.
- Govt, of India atanga ventilator dawn leh SBI atanga kan dawn te hi avaiin 129 a ni. Ti hian, Mizoram sorkar a awm sa te nena belhkhawm hian ventilator 199 zet a awm a ni.
- Heng ventilator 129 te hi District Hospital hrang hrang leh private hospital-ah an mamawh dan azirin sorkarin a thlawnin a pe chhawng ve leh mek a ni. Heng ventilator te hi tun ah hian service engineer-in installation a ti mek a, reiloteah hman theih an ni ang.
- Civil Hospital Aizawlah hian ICU bed (ventilator hmanna khum) 5 a awm a, a belhchhah nan khum 19 dah theihna siam peih tawh niin a thawktu tur te pawh sorkarin a ngaituah mek a, tun atanga reiloteah function thei tur a beisei a ni.
- State Referral Hospital/ZMC all hian ICU bed 14 awm mek bakah ventilator hman theihna tur (make shift ICU) khum 22 ruahman a ni. Heng khum leh ventilator te hi a tul huna hman theih turin peih diam an ni.
Chief Minister zahawm tak Pu Zoramthanga hmalakna leh Health Minister Dr.R.Lalthangliana kaihhruainain sorkar hospital hrang hrang te kawng tinrengin tihchangtlun zel a ni a. A bik takin, Civil Hospital, Aizawl !eh District Hospital hrang hranga Covid-19 dona atana mamawh em em ventilator dah belh zel anih avang hian Mizoram sorkar chungah Health & Family Welfare Department chuan lawmthu a sawi tak zet a ni.
