No.681/2021-2022

Dated Champhai, the 25th May, 2021: Covid-19 hrileng laka mipuite kan him tlanna tura sawrkarin inkaihhruaina dan a siam hrang hrang zawm lova palzutte hnenah vawiin khan Deputy Commissioner, Champhai District Pi Maria C.T Zuali chuan an dan palzutte hriattirin, hremna pawisa chawi tur angte pe turin a ti.

Vawiina hremna lekkawh tur hriattirna pekte hi an vaiin mi 5 (panga) niin, an zinga 4 te hi thuneitute atanga phalna la lova ramri pela Myanmar rama kalte niin, The Mizoram (Containment and Prevention of COVID-19) Ordinance, 2020, Sec 4(5) an bawhchhiat avangin hemi dan Sec 5(5) hnuaiah Rs 5,000/- theuh chawi tir an ni a. The Mizoram (Containment and Prevention of COVID-19) Ordinance, 2020 Sec 4(9) palzuttu positive contact, inkhunghrang tura tih zawmlo mi pakhat hnenah hemi dan Sec 5(9) kaltlang hian Rs 1,000/- chawitir a ni bawk.

Hremna pawisa tlingkhawm zat hi Rs 21,000/- a ni a. Mahni ngei emaw, chenna veng/khua VLTF te kaltlangin DC Office-ah May ni 28, 2021 ral hma ngeia thehlut tura hriattir an ni.