No.5627/2020-2021
Kum Upate leh natna benvawn vei ho te hi an taksa a chak loh avangin Covid an kai hma bik a. An taksaa natna dotu an tlakchham avangin covid an kai a nih chuan an la na (serious) duh bik a, covid avanga thi tam ber pawh kum upa leh natna benvawn lo vei sa te an ni. Taksa hrisel tha leh kum la naupangte chu an kai a nih pawhin an taksaah harsatna lian tham a thlen lo tlangpui thin. Hei vang hian kum upa leh natna benvawn veite chu midangte aiin an fimkhur zual bik a ngai a ni.
High Risk Group te chu :
1. Kum 60 aia upate
2. Cancer vei – a bik takin chemotherapy/radiotherapy hmanga enkawl mekte
3. Lung (heart) natna benvawn nei
4. Chuap (Lungs) natna benvawn nei – khuh benvawn, asthma etc
5. Kal (Kidney) natna benvawn nei
6. Thin (Liver) natna benvawn nei
7. Thluak lam natna benvawn nei e.g. stroke, Parkinson’s disease etc
8. Taksa dona (Immunity) nei tlem – HIV/AIDS, Transplant patients damdawi ei mek
9. Zunthlum (diabetes)
10. BP sang (hypertension)
Engtin nge High Risk Group te an fimkhur zual bik theih ang?
1. In lamah awm deuh chawt a, len chhuah loh a tha ber.
2. Mi inah len loh a, inleng pawh neih loh a him ber.
3. Lo theih lohva, midang nen kan inkawm dawn a nih chuan kan inkarah 3 feet tal a awm tur a ni a (duhthusam chuan 6 ft), mask kan vuah ve ve (theuh) tur a ni.
4. Chhungkaw member leh midangte nen kan ti ti ho dawn a nih chuan inhlat taka thut a, mask vuah ngei ngei tur a ni.
5. Puipunnaah te, chawei khawmnaah te, bazarah te, committee meeting naah te kal loh hram a tha.
6. Kan inchhungah/ chhungkuaah Quarantine/Isolation lai te, covid-19 dona lama thawkte, chhuak vak nasate an awm a nih chuan an mahni nen chuan inhnaih taka awm loh hram tur a ni.
7. Uluk taka sahbawn leh tui hmanga kutsil fo tur a ni a; kutsil remchan lohnaah hand sanitizer hman thin tur a ni.
8. Midang kan bula an awm a nih chuan tha taka mask vuah thin tur a ni.
9. Hmai, ka, hnar, mit te kut lawngin khawih loh tur a ni.
10. Mi khawih hnu – chanchinbu, pawisa, lehkha, bungrua etc khawih hmain a theih chuan ‘sanitise/disinfect’ ni se, kan khawih zawh veleh kutfai taka sil leh zel tur a ni.
11. In chhunga thil kan khawih zin bik – kawngkhar vawnna, tui herh haw-na, dawhkan, kawngkhar etc chu a khat tawka tihfai thin tur a ni.
12. Midangte nen zai ho loh tur a ni.
1 Covid kara Kum Upate leh High Risk Group te fimkhur dan tur
13 Khuh leh hahchhiau dawnin tissue paper/rawmawlin emaw ka hup tur a ni a, a remchan loh chuan kan ban thlep (kiu chunglam) phenah chauh kan khuh/hahchhiau tur a ni.
High Risk Group te’n Taksa leh rilru hrisel nan engte nge an tih ang?
1. Rilru hlim takin awm tum hram hram ang che.
2. Vawikhatah rei tak tak thutthlengah, TV hmaah emaw, I phone khalin emaw thu/mu reng lo la, a khat tawkin dingin vei kual thin ang che.
3. Taksa chet tam a pawimawh a, a remchan ang angin exercise lak thin tur a ni. Nikhata exercise lak chu belhkhawmin 30 mins a tling tur a ni a, mahni tlin tawk ang zela lak thin tur a ni.
4. Ei leh In hrisel a pawimawh a. Ei luat a hlauhawm a, ei insum leh lutuk a tha lo bawk. I taksa mamawh tawk ei thin la, thlai leh thei ei uar rawh. Sa te, mawm leh thaute, thil al (chi) te, thil thlumte insum ang che. Tui in tam a pawimawh bawk. Natna do nan protein lam – sa ti var, sangha, artui var lai, rajma, dal, be, tofu a tha a; thlai leh thei lam a pawimawh bawk. Vawikhatah chaw ei teuh teuh lovin, ei zina ei tlem a tha zawk.
5. Hahdam takin awm la, mahni nuam tihzawng (hobby) – music, lehkhabu chhiar, painting etc tih nan hun hmang ang che.
6. Tawngtaina hunte, meditation tihna hunte hman thin hi hrisel nan pawh a tha.
7. Phone leh thildang hmangin thiante, chhungte nen inbiak fo a tha.
8. Social media ah te, TV news ah te Covid lampang news leh chanchin en tlem rawh. Chanchin dik lo mi tam takin an thehdarh thin tih hria la, chung lakah chuan inthiarfihlim a tha.
9. I damdawi mamawh tur thla hnih daih tal khawl khawm thin ang che.
10. Harsatna I neih palh a I phone tur – Emergency number te, Helpline te, doctor I rawntheih tur number te nei sa vek la. I phone ah awlsamte a hmuh turin dah la, ziakin tar bawk ang che.
11. Loh theih loh ah lo chuan Damdawi ina kal loh hi a him ber a, mahse a tul viau chuan fimkhur taka kal mai tur a ni.
12. ‘E-Sanjeevani OPD’ app hmangin kan phone atangin mahni in atanga doctor specialist te rawn theih turin Mizoram sorkar chuan ruahmanna a siam a. He eSanjeevani-OPD app hi download la, a hman dan I chhungte inzirtir ang che.
13. Insawiselna leh harsatna I neih chuan Covid Helpline (No. 102/ 0389-2323336/ 0389-2322336/ 0389-2318336) ah phone la, an lo tanpui thei bawk ang che.
14. Rilru hah ngawih ngawih te, lungngaih riaute, hlauhna reh mai lo te I nei a nih chuan Helpline emaw I doctor emaw Counseling lama tanpui theitu tur che rawn ang che.
15. Thingtlang lama awmte tan min bialtu Health Worker/ASHA te hming leh number neih a tha.
16 Meizuk, vaihlo, zu lakah fihlim ang che.
