No.321/2021-2022

Aizawl the 29th April, 2021 : Election Commission of India chuan State leh UT-a CEO te lehkha thawnin tun hnaia inthlang State leh UT-a thuneitute chu Vote chhiar hunchhung leh kaihhnawihah COVID-19 laka thawktute leh mipuite himna turin a hnuaia inkaihhruaina tarlan te hi zawm ngei turin a hriattir:-

i.Counting Centre tinah COVID-19 laka himna tur inkaihhruaina an zawm ngei theih nana mawphurtu Nodal Officer atan DEO chu ruat a ni a, a thachhang dawl turin Nodal Health Offcer ruat bawk tur a ni.

ii. COVID guidelines milin ruahmanna kimchang Counting Centre ten an siam ngei tih nemnghehna Compliance Certificate chu Health thuneitute hnen atangin an la tur a ni.

iii. RT-PCR/RAT test paltlang emaw COVID-19 vaccine dose 2 la tawh te lo chu candidate an ni emaw, agent an ni emaw, Counting Hall-ah luh phalsak loh tur a ni. Vote chhiar tan hma darkar 48 chhunga negative RT-PCR report emaw, RAT report emaw vaccination report emaw nei chauh te luh tir tur a ni.  DEO ten candidate/counting agent te tan vote chhiar hma ni khatah RT-PCR/RAT Test an neih theih nan ruahmanna an siam tur a ni a. Agent te hming list chu candidate ten RO hnenah vote chhiar hma ni thumah, tlai dar 5 ral hmain an thehlut tur a ni.

iv. Vote chhiar chhungin Counting Hall chhehvelah mipui punkhawm phal a ni lo.

v. Counting Hall atan Social Distancing tha taka vawn theihna tur hmun lian tha tawk tak ruat tur a ni a. SDMA protocol angin tukverh, ventilation, exhaust fan leh a dang te mumal takin a awm tur a ni.

vi. Vote chhiar hma, chhiar chhung leh chhiar hnuah counting centre chu damdawi hmanga tihfai tur a ni.

vii. EVM/VVPAT khungna bawm pawh damdawi hmanga tihfai/disinfect tur a ni.

viii. Counting table awm thei zat chu Counting Hall len dan milin, COVID-19 SOP zawm thei tura ruahmanna siam tur a ni ang. Chuvangin, Assistant Returning Officer ruat belhin, Constituency pakhat vote chhiarna tur hian a tul dan a zirin hmun 3-4 ruat belh tur a ni.

ix. Counting Hall/room/premises lut tur zawng zawngten Thermal Scanning an paltlang vek tur a ni a. Sanitizer, sahbawn leh kut silfaina tur tui a awm tur a ni a, Counting hall lut tur zawng zawngin an kut an sanitize/silfai vek tur a ni.

x.  COVID-19 symptom nei reng reng chu Counting Hall luh tir loh tur a ni.

xi. Counting agent zingah COVID-19 positive an awm chuan Candidate in midang a ruat thei ang.

xii. Counting Hall ah social distancing khauh taka kenkawh tur a ni a. Counting Personnel/Agent te thut dan pawh NDMA/SDMA in COVID-19 guidelines an duan zulzuia ruahman tur a ni.

xiii. Counting Agent leh Candidate-te hman tur PPE famkim phang lovin a awm ngei ngei tur a ni a. Counting Agent te thut dan ruahmanah PPE ha leh ha lo an in thut karthlak ngei ngei tur a ni.

xiv. Mask, Sanitizer, Face-Shield leh Gloves (kutkawr) te hi Counting Official-te leh security duty te hnenah pek vek tur a ni.

xv. Postal Ballot chhiarna ah, ARO dah belh tur a ni a, hall/room hranah Postal Ballot chhiar a tul a nihn chuan Returning Officer/Assistant Returning Officer-ten uluk takin an vil tur a ni.

xvi. Sawrkar inkaihhruaina siam sa angin COVID hnawmhnawk - Mask, Field, PPE Kit, Gloves etc. te mumal taka senghawi dan ruahmanna felfai tak siam tur a ni.

xvii. Counting Hall luh dawnah leh a chhungah "tih tur leh tih loh tur (Do's and don'ts)' chiang fiah taka chhiar theih turin tar tur a ni

Election Commission of India chuan April ni 27, 2021 a order No.464/INST/2021/EPS ah heti hian a lo chhuah tawh a:

i) 02.05.2021-a vote chhiar zawhah chak lawmna kawngzawh leh punkhawm phal a ni lo ang.