Novel Coronavirus hrileng laka zin mite an him tlanna turin a hnuai a mi ang hian sawrkar in thurawn a tichhuak.

COVID - 19 hrilen lai hian, a lenna ramah te zin loh hram tum tur a ni. Loh theih loh avanga kan zin chhuah a ngai a nih pawhin hengte hi fimkhur nan zawm ngei tur a ni.

1. Taksa hriselna ven uluk hle tur a ni.
2. Mipui vantlang puipunna lam reng rengah kal loh tur a ni.
3. Loh theih loh a midang biak a ngaih pawh in, kan biaka te nen inhnaihchilh taka awm loh tur a ni.
4. Zinnaah hian kut silna remchang a awm loh pawhin hand sanitizer pai a, a khat tawk a hman thin tur a ni.
5. Hritlang, Khuh leh Khawsik i nei a nih chuan Mask hmang ang che.
6. Mit, hnar leh ka te khawih loh tur a ni.
7. Kut lawngin midang te nena inkhawih tawm thin entirnan vawnban te, door handle te leh adang te khawih loh tur a ni. Khawih loh theih loh a nih pawhin Tissue paper hmang ang che.

RAM DANG ATANGA ZIN HAW TE TAN:

1. COVID-19 lenna ram atanga lo haw ten sorkar thu chhuak angin ni 14 chhung mahni inchhungah inkhung hran (Home Quarantine ) tur a ni. Hei hi hrileng darh zel tur venna atan a pawimawh hie a ni.
2. Khawsik, Hritlang/khuh, Thawk lama harsatna nei chuan, a rang thei ang berin Helpline No. 102 Toll Free, 0389-2323336, 0389-2318336 ah englaipawhin biak theih reng a ni.
3. Hritlang, Khuh, Khawsik i neih chuan Mask hmang ia, midang lakah inthiar fihlim ang che.
4. Kan zinna ram leh kan natna kan zep avang hian i chhungkua, Khawtlang leh ram in a tuar thei tih hria la,. Thuneitute thu chhuak tha takin I zawm ang u.