No.316/2020-2021

Superintendent of Police, Fire & Emergency Services atanga report dawn danin  Fire & Emergency Services chuan ramri dep khua, Vairengte leh Bairabi a Essential commodities rawn phurtu motor leh rel wagon te Covid-19 laka Mizoram mipuite an him theih nan District thuneitu te nen tangrualin damdawi hmanga phuh thianghlim (sanitization) thin a ni a. Hei bakah hian Quarantine area leh Screening area te pawh damdawi hmanga phuhin sanitize a ni bawk.

He bakah hian April 1 atanga April 13, 2020 chhungin Mizoram hmun hrang hrangah ram kang tam tak a awm a. Fire & Emergency Services in a chhinchhiah  danin Fire Station hrang hrang huam chhungah ram kang 80 an thelh mit a, chungte chu :-

Aizawl khawpui huam chhung bikah hian vawi 20 ram kang awmin nitin vawi  1.5 ram kang awm ang a ni a, Lunglei ah hian nitin ram/dai kang vawi 1.15 an nei bawk tihna a ni. Ram  kang/dai hnai kan chhan zingah kharkhipna lockdown laia a ruka ram kal, fimkhur leh si lote vang nia ring an tam hle a. Chutih laiin huan/leipui hal avang leh mei nung ngaihsak zui loh vangte, vutduk sa paih fimkhur tawk loh vangte a ni tel bawk. Fire station atanga thlen phak loh hmun engemaw zatah ram kang hi a awm bawk a ni.

Hripui avanga ramin harsatna a tawh mek lai hian kangmei tichhuak lo tur leh fimkhur turin Fire & Emergency Servies department chuan mipuite a ngen tak meuh a ni.