No.6376/2020-2021

Vawiin ni 27 October 2020 khan COVID-19 Medical Operational Team chu an Chairman Dr. ZR Thiamsanga MLA & Vice Chairman, Health and Family Welfare Board hovin a pisa-ah Mizoram chhunga COVID-19 darh zel dan leh kan dinhmun thlirin an thukhawm a.

He meeting hi Dr. ZR Thiamsanga MLA, Chairman COVID-19 Medical Operational Team chuan kaihruaiin hripui leng mek COVID-19 in kan rinphak baka nasa a mipui vantlang zinga min luh khung taka vanga tan kan lak nasat zual sauh sauh a ngaihthu te sawiin, vaccine hman theih a awm hma thla tlem te la awmah hian kan dam tlan hram hram a tul thu te leh mipuite pawh tul tawpah lo chuan pawn chhuak lo a mahni inlama tawm hram hram tura a duhthu a sawi a.

He meeting hian COVID-19 Discharge Protocol te, Quarantine period, Contact tracing leh testing chungchang te uluk takin an sawi ho a, tun aia tha leh zual a heng hi kalpui anih theih nan sawrkarah rawtna thlen nise an ti bawk.