No.3517/2020-2020

Nimin July ni 27, 2020 khan ZMC laboratory-ah swab sample 358 test COVID-19 positive thar 23 hmuhbelh a ni.

ZMC laboratory-a COVID-19 positive thar hmuhbelh te hi an vaiin mipa vek an ni a. Assam Rifles (AR) sipai 22, civil mi 1 an ni a, Aizawl District ami vek an ni.

Assam Rifles COVID-19 vei hmuhchhuah tharte hi kum 24-56 inkara upa an ni a, India ramchhung hmun hrang hrang atanga lo haw khawm niin, an zingah hian mizo pakhat (positive contact) telin a bak zawng hnamdang an ni. Quarantine facility a khunghran lai vek an ni a, COVID-19 symptoms nei an awm rih lo.

Civil mi positive hmuhchhuah thar hi kum 34 a upa, Nepal atanga lo haw niin COVID-19 symptoms a neih vanga ZMC a admit lai mek a ni.

ZMC Laboratory a swab sample test result negative ta zingah hian ZMC daktawr COVID-19 positive in Futsal a khelhpuite leh an chhungte, tuna home quarantine lai mekte an tel a ni.

Lunglei Civil Hospital a TrueNat laboratory-ah nimin vek khan sample 15 test niin a negative vek a. Heti hian Lunglei Civil Hospital TrueNAT Laboratory-a sample test zawng zawng hi 935 a tling tawh a ni.

ZMC Laboratory-a District hrang hrang sample test zat (27th July, 2020)

Aizawl - 148 (Mipa - 114, Hmeichhia - 34)
Lawngtlai - 27 (Mipa - 19, Hmeichhia - 8)
Hnahthial - 14 (Mipa - 9, Hmeichhia - 5)
Assam Rifles - 140 (Mipa vek)
ZMC-a thawk/damlo admit - 29 (Mipa - 19, Hmeichhia - 10)
TOTAL - 358 (Mipa - 301 Hmeichhia - 57)

Mizorama COVID 19 positive case hmuhchhuah tawh zawng zawng zat
Total cases - 384
Forces (BSF/AR/NDRF/Army) - 178 (46.35%)
Civilians - 206 (53.64%)

Mizorama COVID-19 vei mek zat
Total Active cases - 191
Forces (BSF/AR/NDRF/Army) - 153 (80.10%)
Civilians - 38 (19.89%)

COVID-19 recovery rate in Mizoram - 50.26%