No.4508/2020-2021

Nimin August ni 27, 2020 khan ZMC Laboratory-a RT-PCR khawl hmanga swab sample test 514 zingah COVID-19 vei 26 hmuhchhuah thar a ni a. Lunglei Civil Hospital TrueNAT laboratory-a sample test 43 test niin COVID-19 positive 1 hmuhchhuah a ni thung a. Rapid Antigen Test 521 tih niin COVID-19 vei hmuhchhuah thar 2 an awm.

ZMC Laboratory-a COVID-19 positive hmuhchhuah tharte hi Aizawl district vek mipa 23 leh hmeichhia 3, kum 20 - 68 inkar an ni a. Positive contact atanga kai 10 an awm.

Positive contact atanga kaite
1) Zangena Petrol pump a thawk positive contact tracing ah Bawngkawn ami 2 positive hmuhchhuah thar a ni. Hmeichhia kum 35 leh mipa kum 68 an ni a. Home Quarantine lai an ni. COVID-19 symptoms an neilo.

2) Zangena petrol pump a kal COVID-19 positive Khanpui khua, Mizoram Police, Saipuma post mek contact tracing ah mi 4 an positive a. Zemabawk ami vek mipa 2 leh hmeichhia 2, kum 20 - 55 inkar, home quarantine lai vek niin COVID-19 symptoms nei an awm lo.

3) Aizawl Venglai LLTF member 3 - mipa vek, kum 44, 45 & 48. Ramhlun S positive contact chhuizui naa rinhlelh ho sample test rualin a remchan avangin Aizawl Venglai LLTF memberte sample laksak ve a ni a, an zinga 3 an lo positive reng tih hmuhchhuah a ni. COVID-19 symptoms nei lo vek an ni.

4) Zokhawsang-a quarantine mek Assam Rifles 1, kum 28 a upa. COVID-19 symptoms a nei lo.

ZMC Laboratory-a COVID-19 positive hmuhchhuah thar State pawn atanga lo lut (travel history nei) mi 16 hi mipa vek, kum 23 - 44 inkar an ni a. An zingah hian sipai chawlh la a lo haw 7 (Assam Regiment 5, Indian Navy 2) an tel. Goa, Maharashtra, Assam, Tamil Nadu, West Bengal leh New Delhi atanga lo lutte an ni. An zingah hian COVID-19 symptoms nei 3 an awm. An vai hian Quarantine Facility a awm lai vek an ni.

Rapid Antigen Test hmanga COVID-19 positive hmuhchhuah thar 2 hi Mamit district ami ve ve, mipa kum 22 & 27 a upa, West Bengal atanga haw, COVID-19 symptoms neilo ve ve an ni.

Lunglei Civil Hospital TrueNAT laboratory-a COVID-19 positive hmuhchhuah thar hi mipa Kum 37 a upa, Guwahati, Assam atanga lo lut, quarantine lai, COVID-19 symptoms nei lo a ni.

August ni 27, 202O a ZMC RT-PCR laboratory-a District hrang hrang sample test zat
Aizawl - 476 (Mipa - 381, Hmeichhia - 95)
Lawngtlai - 11 (Mipa - 4, Hmeichhia - 7)
Lunglei - 1 (Hmeichhia)
Siaha - 26 (Mipa - 20, Hmeichhia - 6)
Total - 514 (Mipa - 405, Hmeichhia - 109)

August ni 27, 202O a Lunglei Civil Hospital TrueNAT PCR Laboratory-a sample test zat
Total - 43 (Mipa - 42, Hmeichhia - 1)

August ni 27, 202O a Rapid Antigen Test hmanga District hrang hrang sample test zat
Kolasib - 510 (Mipa vek)
Mamit - 11 (Mipa - 7, Hmeichhia - 4)
Total - 521 (Mipa - 517, Hmeichhia - 4)