No.4386/2020-2021 

Nimin August ni 24, 2020 khan ZMC Laboratory-a RT-PCR khawl hmanga swab sample test 503 zingah COVID-19 vei 30 hmuhchhuah thar a ni a. Rapid Antigen Test 1043 tih niin COVID-19 vei 5 hmuhchhuah a ni bawk a. Lunglei Civil Hospital TrueNAT laboratory-a sample test 20 test noin result a negative vek thung.

ZMC Laboratory-a COVID-19 positive hmuhchhuah tharte hi Aizawl district-a sample lak vek niin mipa 22 leh hmeichhia 8 an ni a, travel history nei 6 awmin a dang zawng hi tualchhunga kai (contact tracing) an ni.

Melriat positive contact tracing atanga kai mi 14 an awm an vaiin Melriat a cheng vek an ni a, mipa 8, hmeichhia 6 niin kum 7 - 78 inkara upa an ni a, naupang kum 9 mi COVID-19 symptoms nei a awm a, midang zawng hi symptoms neilo an ni. Contact tracing tih a nih vanga Home Quarantine lai vek an ni.

Zangena petrol pump a thawk positive contact tracing atanga kai 9 an awm a, mipa 7 leh hmeichhia 2 niin Ramhlun South a cheng 8 (mipa 6, hmeichhia 2) kum 23-42 inkar leh Falkawn ami mipa 1, kum 42 a upa an ni. COVID-19 symptoms nei an awm lova, contact tracing tih a nih vanga Home Quarantine lai vek an ni.

Ramhlun South a cheng mipa kum 42 chu positive contact atang kai hmuhchhuah a ni bawk a. COVID-19 symptoms a nei lova, contact tracing tih a nih vanga Quarantine lai a ni.

Travel history nei COVID-19 positive hmuhchhuah thar 6 te hi mipa vek an ni a, kum 31-56 inkar niin Assam leh Meghalaya atanga lo kirte niin an zingah hian BSF sipai 1 a tel a ni. Mizoram pawn atanga lo haw COVID-19 positive te hi Quarantine Facility a awm lai vek an ni.

Rapid Antigen Test hmanga COVID-19 positive hmuhchhuahte hi mipa 4 leh hmeichhia 1 an ni:

1) Mamit district-a sample test mipa ve ve kum 25 & 41, Assam atanga lo haw ve ve. COVID-19 symptoms an nei rih lo.

2) Kolasib district-a sample test truck driver 2, mipa ve ve, kum 26 & 50 a upa, Assam atanga lo lut, COVID-19 symptoms neilo an ni.

3) Aizawl district-a sample test hmeichhia, kum 25 a upa, West Bengal atanga lo kir, COVID-19 symptoms nei a ni.

August ni 24, 202O a ZMC RT-PCR laboratory-a District hrang hrang sample test zat

Aizawl - 503 (Mipa - 391, Hmeichhia - 112)

August ni 24, 202O a Lunglei Civil Hospital TrueNAT PCR Laboratory-a sample test zat

Total - 20

August ni 24, 202O a Rapid Antigen Test hmanga District hrang hrang sample test zat
Aizawl - 7
Kolasib - 1022
Mamit- 9) - 7
Siaha - 2
Lawngtlai - 2
Hnahthial - 3
Total - 1043