No.3680/2020-2021 

Nimin July ni 31, 2020 khan ZMC RT-PCR laboratory-ah swab sample 134 test niin COVID-19 positive thar 3 hmuhbelh a ni a. Serchhip district ah Rapid Antigen Test hmangin COVID-19 positive 1 hmuhchhuah a ni bawk. Niminah vek khan Lunglei Civil Hospital a TrueNAT laboratory-ah sample 36 test niin COVID-19 positive 1 hmuhchhuah a ni bawk.

ZMC RT-PCR laboratory-a sample test 134 zingah hian sample 128 a negative a. Negative zingah hian pre-positive test nawn 6 an tel a, pre-positive test nawn zinga 3 an la positive chhunzawm a ni.

ZMC laboratory-a COVID-19 positive thar hmuhbelh te hi Aizawl district ami vek niin mipa 2 leh hmeichhia 1 an ni a. Kum 24-56 inkar a upa an ni a. Manipur, Assam leh Tripura atanga lo haw te an ni. An zingah hian civil mi 2 leh BSF 1 awmin BSF sipai hi COVID-19 symptoms nei, ZMC a admit lai a ni a, midang 2 hi symptoms neilo, Quarantine lai ve ve an ni.

Rapid Antigen Test hmanga COVID-19 vei hmuhchhuah hi mipa kum 27 a upa, Serchhip district a awm niin, Jammu & Kashmir atanga lo haw, Quarantine Facility a awmlai a ni a, COVID-19 symptoms a nei a ni.

Lunglei Civil Hospital a TrueNAT laboratory-a COVID-19 vei hmuhchhuah hi Assam atanga lo haw, hmeichhia kum 16 a upa a ni a, COVID-19 symptoms a nei lova, Quarantine Facility a awm lai a ni.

Lunglei Civil Hospital TrueNAT Laboratory-a sample test zawng zawng hi 1024 a tling tawh a ni.

Nimin khan Rapid Antigen Test hmangin Lengpui Airport ah sample 3 test niin, Serchhip district ah sample 3 tho test a ni.

ZMC Laboratory-a District hrang hrang sample test zat (31st July, 2020)

Aizawl - 84 (Mipa - 50, Hmeichhia - 34)
Mamit - 12 (Mipa - 9, Hmeichhia - 3)
Champhai - 3 (Mipa vek)
Siaha - 31 (Mipa - 18, Hmeichhia - 13)
ZMC - 4 (Mipa - 3, Hmeichhia - 1)
TOTAL - 134 (Mipa - 83 Hmeichhia - 51)

Mizorama COVID 19 positive case hmuhchhuah tawh zawng zawng zat
Total cases - 413
Forces (BSF/AR/NDRF etc.) - 183 (44.30%)
Civilians - 230 (55.69%)
Migrated - 1

Mizorama COVID-19 vei mek zat
Total Active cases - 166
Forces (BSF/AR/NDRF etc.) -120 (72.28%)
Civilians - 46 (27.71%)

Mizorama COVID-19 positive enkawl dam tawh zat
Total Cases - 247
Forces (BSF/AR/NDRF etc.) - 63 (21.36%)
Civilians -184 (78.63%)

COVID-19 recovery rate in Mizoram - 59.80%