No.2809/2020-2021
Vawiin 6.7.2020 khan ZMC lab-ah sample 49 test niin 43 a negative a, positive thar 6 hmuhbelh a ni thung. Positive zinga pakhat hi hmeichhia kum 23 a upa, Siaha District ami Delhi atanga lo haw, symptoms neilo, Quarantine Facility a awm mek a ni.
Aizawl District a positive thar 5 te hi Lungverh a NDRF mi leh sa an ni a, mipa vek kum 30-54 inkar, 4 hi Assam, Manipur, Andhra Pradesh leh Madhya Pradesh atanga lo haw, 1 hi Lungverh a awm lai positive contact (orderly), an vai hian Quarantine Facility a awm mek niin symptoms nei an awm rihlo.
Hetih rual hian State pawn atanga lo haw Lawngtlai district mi Quarantine Centre an luh hnua COVID19 positive hmuhchhuahte chu an haw kawngah Thenzawla hotel pakhat a an chawlh avangin contact tracing rang taka tih a ni a. Thenzawl (Serchhip District) atanga sample thawn 12 chu ZMC ah vawiin khan endik niin an negative vek tih finfiah a ni bawk.
District tin sample test zat (6th July, 2020)
Aizawl - 29 (Mipa - 19, Hmeichhia - 10)
Serchhip - 12 (Mipa - 7, Hmeichhia - 5)
Siaha - 1 (Hmeichhia)
ZMC - 7 (Mipa - 3, Hmeichhia - 4)
TOTAL - 49 (Mipa 29, Hmeichhia - 20)
