N0.890/2020-2021
COVID-19 Rapid Antibody Test Mizorama hman mek chungchanga mipuite hriattur pawimawhte Dr Pachuau Lalmalsawma, Official Spokesperson for COVID-19 chuan a hnuai ami ang hian a sawifiah.
“COVID-19 Rapid Antibody Test hi thisena COVID-19 hnuhma a awm leh awm loh test-na a ni a. Natna hrik kan taksaa a lo luh hian kan thisenah antibody a insiam thin. Chutiang chiah chuan COVID-19 hrik miin a kai pawhin a lo do lettu antibody kha a taksaah insiamin, chu antibody man chhuak tur chuan COVID-19 Antibody Test kit hi hman thin a ni.
COVID-19 hrilen atanga hun rei lote chhungin Covid 19 Rapid Test Kit ho hi taksaa antibody hmuhchhuahnan chi hrang hrang rang taka siam chhuah a nih avangin endikna hun pawh a chep hle a.
Natna dang vanga taksaa Antibody dang awmin Test Result fel fai tawk lo a siam theih avangin a COVID-19 test-na khawlpui hmanga finfiah leh a ngaih chang a awm thei. Heng hunah hian Zoram Medical College a COVID-19 Testing Laboratory chu tun hnaiah pawh hman niin Lawngtlai, Mamit leh Aizawl District atanga Rapid Test Result felfai tawklote chu an Negative tih finfiah leh an ni.
Rapid Antibody Test tih hnua RT-PCR khawla test ngai hi a awm zeuh zeuh ngei ang. Hetiang hunah hian COVID-19 Positive a lo in ngaih mai tur a ni lo. Rapid Antibody Test Kit ho hi ngialngan taka mimalah natna Confirm-na tura duan a nih loh avangin tuman lo chi-ai nan hman loh tur a ni.
Taksaa natna dotu (Antibody) hi damlo dam tawh hnuah pawh hun rei tak an la cham bang a; chuvangin Covid 19 Rapid Test hian Kit hian a la man chhuak leh fo thin bawk. Covid-19 hi natna thar a nih avangin antibody kan taksa a awm chhung pawh zirchianna engmah a la awm lova, chuvang chuan antibody awm chhung chu Covid 19 Rapid Test Kit hi a Reactive dawn a ni.”
