No.304/2020-2021
Vawiin khan Mizoram chhim lam mi leh sa Champhaia awmte pawl din, ‘Chhimtlang Welfare Champhai’ chuan tunlai hrileng hlauhawm tak Covid-19 dona kawnga miharsate chhawmdawl nan leh a țul ang anga hman atan Champhai District Level Task Force on Covid-19 hnenah tanpuina pawisafai Rs 20,000/- an hlan. Tanpuina pawisafai hi Pu Lalnunfela Chawngthu, SDO Sadar kutah hlan a ni. Chhimtlang Welfare Champhai hi January Ni 19, 2019 a din niin, tun dinhmunah hian member 83 an awm mek a ni.
Vawiin vek khan Champhai Diploma Engineering Services Association chuan District Level Task Force hnenah Covid-19 dona kawnga hman tur tanpuina pawisafai Rs 5,000/- an hlan. Tanpuina hi SDO Sadar Pu Lalnunfela Chawngthu kutah hlan a ni.
District Level Task Force on Covid-19 hian Champhai District chhunga Village Level Task Force (VLTF) 60-te hnenah DM&R atanga tanpuina pawisafai Rs 5,000/- theuh a pe chhuak tawh a. CM Relief Fund pawh semchhuah mai theih tura peihfel a ni. Tun thleng hian DLTF hian mi thil phal tak takte hnen atangin Covid-19 dona atan tanpuina pawisafai Rs 2,90,000/- a dawng tawh a ni.
Tanpuina pawisafai petute leh an pek dan chu hetiang ang hi a ni:
Sl No. | Tanpuina petu | Pek zat (Rs) |
1. | DFO Office, Champhai | 30,000 |
2. | DAO Office, Champhai | 5,000 |
3. | MJA Champhai District | 10,000 |
4. | Pu TJ Lalnuntluanga, MLA, 24-Champhai South | 1,00,000 |
5. | Dr. ZR Thiamsanga, MLA, 23-Champhai North | 1,00,000 |
6. | Salvation Army, Vengthlang Corps | 5,000 |
7. | Champhai District Football Association (CDFA) | 10,000 |
8. | Mizoram Excavator Backhoe Operator Association (MEBOA) Sub-Hqtrs Champhai | 5,000 |
9. | Chhimtlang Welfare Champhai | 20,000 |
10. | Champhai Diploma Engineering Services Association | 5,000 |
| TOTAL | 2,90,000 |
Attachment
- Loading attachment...
