No.1256/2020-2020

Pradhan Mantri Garib Kalyan Yojana (PMGKY) hnuaiah COVID-19 dona kawnga a hmatawnga thawkte (frontline workers) tan insurance cover Rs. nuai 50 (Rs. 50 lakhs) ruahmansak theih an ni a, COVID-19 dona kawnga hna an thawh laia COVID-19 natna an kai avanga an boral a nih emaw, COVID-19 dona kawnga hna an thawh laia tawhsual (accident) an tawh avanga an nunna an chan emaw a nih chuan he insurance hi an claim thei dawn a ni.

Vanduaithlak taka frontline workers te zinga hetiang vanduaina tawk an awm palha insurance claim a tul huna harsatna a awmloh nan frontline workers te COVID-19 do turin an thawkchhuak ngei tihchianna detailment/engagement order leh an hnathawh kalphung felfai taka siam a tul avangin a hnuai ami ang hian ruahmanna siam a ni.

1. Director General of Police (DGP), Mizoram in COVID-19 do tura fehchhuak police zawng zawng mimal tin tirhchhuahna order leh an hnathawh tur sawifiahna a ti chhuak ang.

2. Deputy Commissioner ten an bial chhunga COVID-19 do tura fehchhuak lirthei khalhtu (driver) te leh volunteers (VLTF/LLTF member-te) mimal tin tirhchhuahna order leh an hnathawh tur sawifiahna a ti chhuak ang.

3. Municipal Commissioner, Aizawl Municipal Commission (AMC) in an bial chhunga bawlhhlawh paihtu leh sawngbawltu bakah tual phiatfaitu an hnathawhna a COVID-19 natna kai thei dinhmun a ding zawng zawngte mimal tin hnathawk tura tirhchhuahna order leh an hnathawh tur sawifiahna a ti chhuak ang.