No.1709/2020-2021

Vawiin khan Mizoram Science, Technology & Innovation Council (MISTIC) leh Health Department tangkawpin COVID-19 test-na tur RT-PCR Quant StudioTM 5 leh test-na atana hmanraw pawimawh engemaw zat an chah chhuak. He khawl leh hmanraw dangte hi vawiin chhun dar 12:05 khan Aizawl Mualpui Helipad-ah Helicopter-in Imphal atanga rawn phurh thlen a ni.

Tun hnaiah COVID-19 sample test tur a pung nasa hle a, vawiina PCR khawl lo thleng hi khawl indaihlohna phuhrukna tura hmalakna a ni. Hemi chungchangah hian Planning Secretary Dr C.Vanlalramsanga, MISTIC Executive Committee Chairman ni bawkin theihtawpa hma lain sorkar laipuia Department of Biotechnology hnuaia autonomous body, Institute of Bioresources & Sustainable Development (IBSD), Imphal hnenah dilna a thlen a. Dilna hi Health Minister Dr R Lalthangliana, Health Secretary Pu H.Lalengmawia leh ZMC hotuten thlawpin khawl kan neih ngei theih nan hma an la a. He khawl helicopter-a rawn phurh thlen a nih theih nan Pu J.Lalhmingliana, Principal Consultant, GAD (Civil Aviation Wing) chuan theihtawp chhuahin, khawl hi vawiin khan Aizawl rawn phurh thlen a ni ta a ni.

Khawl leh hmanraw dangte hi ZMC COVID-19 testing laboratory panpui nghal niin MISTIC Scientific Officer-te leh IBSD Scientist ten a hmunah an va dah a. He khawl hi Mizoramin khawl thar a neih hma leh ZMC-in an mamawh chhunga hman tura ruahman a ni.