No.238/2020-2021

Ni 30 March, 2020 khan Chief Secretary, Pu Lalnunmawia Chuaungo ho a Secretary & Director, Health & Family Welfare Department, Secretary P&PI, IGP(Hrqs), Director FSL, Director NHM leh SNO (IDSP) te thukhawm chuan mahni in lama COVID-19 natna ni a rinhlelh boral an awm thulha sawngbawl dan tur an sawi ho a. He meeting thurel bawhzui hian ruang sawngbawl dan leh PPE hmandan tur inzirtirna pek a ni.

Directorate of Forensic Science Laboratory leh Police mawhphurhna tura an rel te bawhzuiin, ni 7 April, 2020 khan FSL-ah Zoram Medical College atanga mithiamten COVID-19 avanga thite ruang sawngbawl dan leh PPE hman dan chungchang zirtirin sawiho a ni a. Ni 8 & 9 April, 2020 ah FSL te hian COVID-19 vei nia rinhleh tualthi an awm thulh a fimkhur taka Investigation kalpui dan tur leh ruang sawngbawl dan tur chungchang hi Aizawl District huamchhunga Police Station hrang hrang atanga tel te hnenah Training an pe veleh thung a ni. He Training hi Batch 4 ah then niin, SDPO atanga Constable thlengin mi 40 an tel a ni.

Damdawi ina enkawl lai nilo COVID-19 vei nia rinhleh, tualthi an awm chuan FSL leh Police lamin a ruang hi sawngbawlin damdawi ina mitthi dahna thleng an buaipui thin dawn a ni.

Ruang buaipuitute hman atan Directorate of Health Services atangin hengte hi FSL kutah hlan an ni:-

Personal Protective Equipment (PPE)
1. Bodysuit - 43nos
2. Goggles - 48nos
3. Shoe cover- 2 bundles
4. Non-sterile latex gloves- 1 box
5.0.5% sodium hypochlorite solution-2 litres

Director H. Sangchungnunga kaihhruaina hnuaiah FSL hian forensic expert 15 leh staff 51 an nei a. Mizorama crime scene awmna hmun apiangah koh niin endik hna an thawk thin a ni.