No.2284/2020-2020
Nimin (June ni 21, 2020) khan ZMC laboratory ah swab sample 562 test niin positive 1 hmuhchhuah a ni a, a dang zawng 561 hi a negative a ni.
Tun dinhmunah Mizoramah COVID-19 vei mek 133 an awm a, dam tawh 9 nen, belhkhawmin COVID-19 vei 142 hmuhchhuah tawh a ni.
COVID-19 vei hmuhchhuah thar hi mipa kum 30 a upa, Siaha District a cheng, Delhi atanga lo haw, COVID-19 symptoms nei lo, quarantine facility a awm lai a ni.
June ni 2, 2020 a ZMC laboratory a District tin sample test dan: Aizawl - 459 (Mipa - 206, Hmeichhia - 253), Siaha - 30 (Mipa vek), Mamit - 22 (Mipa - 11, Hmeichhia - 11), Khawzawl - 38 (Mipa - 16, Hmeichhia - 22) leh ZMC a damlo enkawl mek -13 (Mipa - 6, Hmeichhia - 7) an ni
Nimin vek khan ZMC Laboratory-ah COVID-19 vei hmuhchhuah tawh te swab sample test nawn leh niin Lunglei District atanga sample dawn 45 (M-28, F-17) zingah 35 (M-21,F-14) an negative a, Khawzawl District atanga sample dawn pahnih (hmeichhia ve ve) zinga pakhat a negative bawk. Champhai-a COVID-19 vei sample test nawn hnu a negative mi 4 te pawh After Care Centre ah ni 7 chhung vil zui rih an ni.
Kalphung pangngai angin heng sample negative te hian damdawiin (CCC/DCHC/ACC) an chhuahsan hma chu dam (recovered) anga puan theih an ni lo.
