No.3483/2021-2022

Aizawl the 21st December, 2021 : Central Warehousing Corporation, Guwahati atanga Corporate Social Responsibility (CSR) kaltlanga ruahman Lunglei khawpui chhunga BaLA Anganwadi Centre pathum Lungpuizaw Il, Bazar Veng III leh Rahsi Veng I Centre te chu vawiin khan Lunglei Bawrhsap Pu Kulothungan A , IAS in a hawng. Hawnna programme ah hian a kaihhnawih sawrkar official te, khawtlang hruaitute, Centre lemziaktu South Art Mizoram te an tel a ni.

Hawnna program hi Pi Lalthlamuani Rokhum, CDPO, Lunglei in a kaihhruaia Lunglei DC Pu Kulothungan A chuan naupan tet laia inzirtirna leh inkaihhruaina a pawimawh tak zet a ni tiin Lunglei District tana CRS rawn pe tu Central Warehousing Corporation, Guwahati te chungah lawmthu a sawi a. Kuminah Anganwadi Centre panga hawn anih tawh thu sawiin nakumah Lunglei District tan Anganwadi Centre sawmhnihpanga (25) CSR kaltlanga ruahman anih tur thu a sawi bawk. Hmasawnna daih rei leh tlo nei turin zirna lama hmasawn chu thil pawimawh hmasa berte zing ami a ni tiin BaLA Anganwadi Centre te chu khawtlang tana kawng hrang hranga hmasawnna thlentu anih ngei a beisei thu a sawi bawk. Lunglei District chhunga zirtirtu te chu an mawhphurna a sanzia hre thar tur leh an hna chu rawngbawlnaa ngaia an zirlai naupangte tana thahnemngai turin a chah a. Pu Kulothungan A chuan Anganwadi Centre te bakah School lama hmalakna te pawh neih chhunnzawm a tum thu a sawi a ni.

Lungpuizawl VCP Pu Lalthathanga, Bazar Veng VCP Pu Biakthansanga leh Rahsi Veng Branch YMA Treasurer Pu Lalnghinglova te pawhin thusawiin Anganwadi Centre changtlung tak ruahman a ni chu hmasawnna ropui tak tiin Lunglei DC leh a kaihhawih Department te chungah lawmthu an sawi a ni.

BaLA (Building as Learning Aid) Anganwadi hmalakna hnuaiah hian Anganwaddi Centre thlanchhuah ah te naupangte zirna kawnga puitu (learning aid) hrang hrang ruahmansak niin a buildingah hian lemziak thiam ten naupang hriat tur leh an rilru kaihruai tur pawimawh hrang hrang an ziah chhuah bakah naupang infiamna leh furniture thar te ruahman niin Centre tinah thlai chinna (nutrition garden) te siam a ni. Ni 16 November 2021 khan Anganwadi Centre pahnih Pukpui I&II te chu Lunglei DC Pu Kulothungan A, chuan a lo hawng tawh a ni.