CSS Hindi Teacher chungchangah Under Secretary, School Education Department chuan a hnuai ami ang hian thuchhuah a siam :

1. Hindi tawng hmanlohna States tan 100% Centrally Sponsored Scheme hnuaiah Hindi Teachers 1305 Mizoram ah rawih mek an ni. He scheme hi 11th Plan Period atan chauh nimahse, North East States tan chuan 12th Plan Period tawp 2016-17 thleng tur a ni.

2. CSS Hindi Teachers-te hlawh atana sum dilna Govt. of India a thehluh rual hian, a hma a sum hmuh tawh hmanna Audit certificate leh utilization certificate thil tel zel a ngai a. Heng certificate thil tel thlap hian kumhlui 2015-16 a thla 10 (sawm) chauh hlawh pek, a bak la pek leh tur atan leh kum kallai mek 2016-17 a thla 12 (sawmpahnih) atan an hlawh tur sum dilna ni 28.6.2016 khan MHRD, Govt. of India-ah thehluh a ni a.

3. MHRD, Govt. of India-in kumhlui 2015-16 hlawh pek tur atan chauh sanction order ni 19.8.2016 ah a ti chhhuak a. Sanction order chhuah rual rual hian Mizoram a Hindi zirtirtute hian hlawh an hmu nghal thei lova. Hlawh la thei tur a thil tih ngaite chu :-

1) Principal Accounts Officer, MHRD in sanction letter a lo hmuh hunah Reserve Bank of India (Central Accounts Section, Nagpur) hnenah Govt. Account Mizoram-ah pawisa chu hmantheih tura dah lut turin lehkha in a hriattir ang.

2) RBI hian Principal Accounts Officer, MHRD lehkha a hmuh hunah, Govt. Account, Mizoram-ah pawisa a dah lut ang.

3) Principal Accounts Office hian RBI hnena pawisa credit tura a hriattirna copy hi Accountant General, Mizoram leh Finance Department, Mizoram-te a pe bawk ang.

4) Ni 19.8.2016-ah sanction order, MHRD, Govt. of India in tichhuak mahse he thu ziahlai thleng hian RBI in Govt. Account, Mizoram-ah pawisa hi a la dahlut lo a ni.

5) RBI in Govt. Account, Mizoram ah pawisa a dah hnuah pawh Finance Department kaltlanga pawisa hi hmuh tur ala ni a, sawrkarin Hindi zirtirtute dinhmun hi a manganthlak a ni tih a hriatsak avangin, RBI-in a takin pawisa Govt. Account-ah la dahlo mahse, hlawh an lak theih na turin a ba in ni 9.9.2016 khan Finance Department (B) chuan pawisa pekchhuahna lehkha a ti chhuak a ni.

4. School Education Department chuan tunah leh hun lo la kal turah pawh theihtawp a chhuah zel dawn a ni.