No.2991/2021-2022
Aizawl 14th Novemner 2021: Tun hnaia Samagra Shiksha, Mizoram kaltlanga Middle School leh High School-a thawk tur CSS Hindi Teacher (Contractual basis) lakna tura interview neih hun tur chungchangah sorkar thutlukna mumal ni chiah lo thu thang eng eng emaw thehdarh a awm tih hriat a ni a. Hei hian țul lovah diltute a tibuai niin hriat a ni bawk. Interview hun tur hi sorkarin a ngaihtuah mek a ni a. Interview hun leh ni bakah diltute hriat tur thil dangte chu sorkar thutlukna mumal tak a awm hunah a rang thei anga chanchinbu leh Samagra Shiksha official website (https://samagramizoram.nic.in/ ) kaltlangin mipui hriat tura puanzar a ni ang. Tin, interview tura kohte chu mimal theuh hnenah kohna (Calling Letter through WhatsApp/SMS) pek vek tum a ni bawk. Diltuten Interview hun tur official-a puanzar hi lo ngaihchan mai tur a ni e.
