No.3585/2020-2020
Tunlai khawvel thiamna changkang chho zelah Mizoram-ah Cyber Crime lam case a tam chho telh telh a, a bik takin online-a sum inbumna lam complaint kan dawng chho ta zel a. Heng thilthleng atanga Mizoram mipuite kan lo fimkhur theih nan a hnuaia tarlante hi zawm turin kan inchah e.
Online transaction lamah:
1. UPI hmang Phone app (Gpay, Paytm, Freecharge, etc) hmangin i hmelhriat loh pawisa
thawn suh, inbumna a tam.
2. I phone-ah heng UPI app i hmang a nih chuan, i phone chu i fate/tute, etc online games khelh nan hmantir suh. An tum leh hriat reng vang ni lovin an games khelh leh i UPI app an lo link palh thei a ni.
3. Online ah hian inbumna a tam a, “Special Offer”, “Promotion”, “Sale” tih lampang hmanga phone call emaw message i dawn chuan bawhzui loh a him ber.
4. App i hriat chian loh phone call emaw sms hmanga download tur an hrilh che chuan inbumna a ni tih hria la, chutiang chu download miah loh tur a ni.
ATM Card leh OTP:
1. I ATM card chu tumah hmantir suh. ATM atanga pawisa la chhuak turin kal thei lo pawh ni la, i mi rin ber pawh kha sum inrawlhnaah chuan a rintlak kher lo maithei.
2. I ATM card number emaw thlalak emaw (card number, CVV, expiry date lanna) tumah thawn suh. I lo thawn palh a nih chuan, i him zawkna’n i ATM card chu block-tir la, bank ah a thar dil leh rawh.
3. I Bank registered mobile number-a OTP lo thleng chu tumah pek tur a ni lo. I pe hlauh a nih a, i account atanga pawisa a bo chuan, Bank pawhin an hmuh letsak thei lo ang che.
4. Bank-in i ATM card number, CVV (ATM Card hnunglama number) leh OTP an dil ngai lo,mi tu in emaw an lo dil che a nih chuan, Police hnenah i report tur thu hrilh ang che.
5. ATM i hmanin, a hlawhtlin (success) loh chuan ‘CANCEL’ hmet thin ang che.
