Food Civil Supplies & Consumer Affairs Minister Pu H. Rohluna chuan tunlaia Mizoram thalai te run tu ber ruihhlo chi hrang hrang do letna kawngah Central YMA in theihtawp chhuaha CADS hmanga do let hna a thawh avang hian thalai nun boral mai tur thahnem tak chhanchhuah mek an ni, a ti. He thu hi Champhai Sub Hqrs. YMA Conference vawi 3-na, N. E Khawdungseia a hmanpuina ah vawiin chawhma khan a sawi a ni a.

Pu Rohluna chuan Mizoramah hian kohhran pawl hrang hrang te, YMA te leh NGO dang ten sorkar an tawiawm that avangin rampumah State entawntlak ber te zing ami kan ni, a ti. Chhehvel boruak a thianghlim nan leh khawvel lum chak lutuk tihziaawm na turin thing leh mau, ramngaw leh nungchate humhalh a pawimawhzia Forests Minister chuan tarlangin tuna la dam mek te hian tu leh fate hma khaw thlir humhalh tlat a tul a ni, a ti bawk.

Minister hian Khawkawn leh Chiahpui te a tlawh nghal a, Chiahpuiah hian BNRGSK Building a hawng nghal a. Naktuk April ni 26 hian Saichalah BNRGSK Building a hawng nghal bawk ang.

YMA Sub Headquarters, Champhai ah hian YMA Group 8 awmin Branch 115 an awm a, member 55, 014 an awm bawk. Conference tanpui nan Rs. 80, 000 a hlan a ni.